גרינלאנד אפמאך פארטיידיגט: רוביא זאגט אז דער אפמאך בלאקירט קעגנערס און באשיצט נאטא אליאירטע
היסטארישע זיכערהייט אפמאך געשלאסן צווישן אמעריקע, דענמארק און גרינלאנד; סעקרעטערי אוו סטעיט רוביא באגריסט דעם שריט
סעקרעטערי אוו סטעיט מארקא רוביא פייערט דעם נייעם זיכערהייט דיעל צווישן אמעריקע, דענמארק און גרינלאנד, רופנדיג עס "א גאר פאזיטיווע אפמאך" וואס האט דעליווערט פונקט דאס וואס פרעזידענט טראמפ האט דאס מערסטע געזוכט צו דערגרייכן. רוביא האט געזאגט אז דער אפמאך באשיצט די נאציאנאלע זיכערהייט פון די פאראייניגטע שטאטן, ווי אויך פון אירע נאטא און נארט אמעריקאנער אליאירטע. ער האט צוגעגעבן אז דאס באדייט אז א פאטענציאלע פיינט וועט מער נישט קענען באקומען קיין צוטריט, דורך קאמערציאלע מיטלען, צו סיי וואספארא זאך וואס קען שעדיגן די דאזיגע לענדער.
דער אפמאך איז אונטערגעשריבן געווארן דעם 22'סטן סעפטעמבער ביי די יו-ען דורך פרעזידענט טראמפ, די דענישע פרעמיער מיניסטארשע מעטע פרעדעריקסען, און דער גרינלאנד פרעמיער מיניסטער יענס-פרעדעריק ניעלסען. דער נייער דיעל טוט אפדעיטן די 1951 אמעריקע-דענמארק פארטיידיגונגס אפמאך איבער דעם אינזל.
לויטן נייעם דיעל וועט אמעריקע קענען מאדערניזירן און פארברייטערן די 'פיטופיק' ספעיס באזע, אויפשטעלן נייע פארטיידיגונגס שטחים אין נארסארסואק אין דרום און מעסטערסוויג אין מזרח, און צולייגן נאך שטחים שפעטער. אין דער זעלבער צייט טוט עס אפהאלטן לענדער וואס זענען נישט אין נאטא פון אויפשטעלן מיליטערישע אינסטאלאציעס אדער אינוועסטירן אין סענסיטיווע ערטער אויפ'ן אינזל, ווי צום ביישפיל שטחים וואס זענען רייך מיט זעלטענע ערד-מינעראלן.
דער אפמאך קומט נאך מאנאטן פון אנגעצויגנקייט איבער טראמפ'ס נאכאנאנדע סטראשונגען איבערצונעמען קאנטראל אויף גרינלאנד. רוביא האט קלארגעשטעלט אז די אמעריקאנער אינטערעסע איז געוואנדן אויף נאציאנאלע זיכערהייט ענדערש ווי טעריטאריאלע אייננעמונג, אנווייזנדיג אויף די קאנקורענץ איבער שיפינג רוטס און די וואקסנדע ראלע פון ספעיס אין מלחמות.
דענישע באאמטע האבן אונטערגעשטראכן אז די ארקטישע זיכערהייט פאלט יעצט אונטער נאטא אויפזיכט און אז אמעריקע וועט באצאלן פאר סיי וועלכע נייע באזעס. פון די אנדערע זייט האט טראמפ אראפגעלייגט דעם דיעל אלס א שריט וואס גיט פאר אמעריקע פערמאנענטע קאנטראל איבער די זיכערהייט פונעם אינזל, וואס צייגט ווי יעדע זייט לייגט אראפ דעם זעלבן אפמאך אינגאנצן אנדערש.
טעכנישע דעטאלן איבער די נייע פארטיידיגונגס שטחים דארפן נאך ווערן אויסגעארבעט, און איין אנאליז באשרייבט דעם דיעל אלס א באשטעטיגונג פאר אומגעשטערטע אמעריקאנער מיליטערישע צוטריט צום אינזל. די גרויסע אפענע פראגע בלייבט יעצט וויאזוי דער דיעל וועט זיך אויסשפילן פאר גרינלאנד זעלבסט און אירע איינוואוינער.
סעקרעטערי אוו סטעיט מארקא רוביא פייערט דעם נייעם זיכערהייט דיעל צווישן אמעריקע, דענמארק און גרינלאנד, רופנדיג עס "א גאר פאזיטיווע אפמאך" וואס האט דעליווערט פונקט דאס וואס פרעזידענט טראמפ האט דאס מערסטע געזוכט צו דערגרייכן. רוביא האט געזאגט אז דער אפמאך באשיצט די נאציאנאלע זיכערהייט פון די פאראייניגטע שטאטן, ווי אויך פון אירע נאטא און נארט אמעריקאנער אליאירטע. ער האט צוגעגעבן אז דאס באדייט אז א פאטענציאלע פיינט וועט מער נישט קענען באקומען קיין צוטריט, דורך קאמערציאלע מיטלען, צו סיי וואספארא זאך וואס קען שעדיגן די דאזיגע לענדער.
דער אפמאך איז אונטערגעשריבן געווארן דעם 22'סטן סעפטעמבער ביי די יו-ען דורך פרעזידענט טראמפ, די דענישע פרעמיער מיניסטארשע מעטע פרעדעריקסען, און דער גרינלאנד פרעמיער מיניסטער יענס-פרעדעריק ניעלסען. דער נייער דיעל טוט אפדעיטן די 1951 אמעריקע-דענמארק פארטיידיגונגס אפמאך איבער דעם אינזל.
לויטן נייעם דיעל וועט אמעריקע קענען מאדערניזירן און פארברייטערן די 'פיטופיק' ספעיס באזע, אויפשטעלן נייע פארטיידיגונגס שטחים אין נארסארסואק אין דרום און מעסטערסוויג אין מזרח, און צולייגן נאך שטחים שפעטער. אין דער זעלבער צייט טוט עס אפהאלטן לענדער וואס זענען נישט אין נאטא פון אויפשטעלן מיליטערישע אינסטאלאציעס אדער אינוועסטירן אין סענסיטיווע ערטער אויפ'ן אינזל, ווי צום ביישפיל שטחים וואס זענען רייך מיט זעלטענע ערד-מינעראלן.
דער אפמאך קומט נאך מאנאטן פון אנגעצויגנקייט איבער טראמפ'ס נאכאנאנדע סטראשונגען איבערצונעמען קאנטראל אויף גרינלאנד. רוביא האט קלארגעשטעלט אז די אמעריקאנער אינטערעסע איז געוואנדן אויף נאציאנאלע זיכערהייט ענדערש ווי טעריטאריאלע אייננעמונג, אנווייזנדיג אויף די קאנקורענץ איבער שיפינג רוטס און די וואקסנדע ראלע פון ספעיס אין מלחמות.
דענישע באאמטע האבן אונטערגעשטראכן אז די ארקטישע זיכערהייט פאלט יעצט אונטער נאטא אויפזיכט און אז אמעריקע וועט באצאלן פאר סיי וועלכע נייע באזעס. פון די אנדערע זייט האט טראמפ אראפגעלייגט דעם דיעל אלס א שריט וואס גיט פאר אמעריקע פערמאנענטע קאנטראל איבער די זיכערהייט פונעם אינזל, וואס צייגט ווי יעדע זייט לייגט אראפ דעם זעלבן אפמאך אינגאנצן אנדערש.
טעכנישע דעטאלן איבער די נייע פארטיידיגונגס שטחים דארפן נאך ווערן אויסגעארבעט, און איין אנאליז באשרייבט דעם דיעל אלס א באשטעטיגונג פאר אומגעשטערטע אמעריקאנער מיליטערישע צוטריט צום אינזל. די גרויסע אפענע פראגע בלייבט יעצט וויאזוי דער דיעל וועט זיך אויסשפילן פאר גרינלאנד זעלבסט און אירע איינוואוינער.
