דראמאטישע סצענע אין פלארידע: קליינע פליגער מאכט עמערדזשענסי לאנדונג אינמיטן א ביזי גאס און קראכט אריין אין א טראק

דרייווערס אויף בעישאר ראוד אין נארט פארט מאיערס, פלארידע, האבן באקומען דעם שאק פון זייער לעבן שבת נאוועמבער 7 ארום מיטאג צייט, ווען א קליינע פליגער האט פלוצלינג געלאנדעט אינמיטן דעם טראפיק.

לויט די לי קאונטי שעריף אפיס, זענען געווען צוויי פילאטן אויפן קליינעם 'סעסנע 172D סקייהאק' פליגער, ווען זיי האבן אריינגעקראכט אין מעכאנישע פראבלעמען און פרובירט צו מאכן אן עמערדזשענסי לאנדונג נעבן די אינטערסטעיט 75 הייוועי. דורכאויס די לאנדונג האט דער פליגער אריינגעקראכט אינעם אונטערשטן טייל פון א פיקאפ טראק וואס איז געפארן אין די איסטבאונד דירעקציע. וואונדערליך, זענען קיין שום פארוואונדעטע נישט באריכטעט געווארן אויפן סצענע, און די פעדעראלע אוויאציע אדמיניסטראציע (FAA) האט איבערגענומען די אויספארשונג.

אויגנזעענער האבן אראפגעמאלן א ווילדע פאר סעקונדעס. איין דרייווער האט פארציילט פאר א לאקאלע נייעס קוואל אז דער פליגער האט אראפגעקראכט אויפן גאר לינקן לעין און זיך געגעבן א הייב אריבער די אנדערע לעינס, לאנדנדיג ארום 20 ביז 30 פיס אונטער זיין טראק. אן אנדערער עדות וואס האט פילמירט דעם מאמענט האט געזאגט אז עס האט אויסגעזען מער ווי א קאנטראלירטע עמערדזשענסי לאנדונג ווי א קראך.

פאליציי אפיצירן און די פלארידע דעפארטמענט אוו טראנספארטאציע זענען פארבליבן אויפן סצענע צו קאנטראלירן דעם טראפיק, און שפעטער האט מען אפגערוקט דעם פליגער פון די גאס. די אויטאריטעטן האבן דערווייל נישט ארויסגעגעבן קיין דעטאלן וואס פונקטליך עס איז קאליע געווארן מיטן פליגער, און די נעמען פון די פילאטן און דעם טראק דרייווער זענען נאך נישט פובליצירט געווארן. דערווייל וועט די FAA אויספארשונג פעסטשטעלן וואס האט געפירט צו דעם דורכפאל, אבער פאר אלע פארמישטע איז קלאר אז עס וואלט זיך געקענט ענדיגן פיל ערגער.