דזשעראד קושנער און אמעריקאנער ענוואוי אויפ'ן וועג קיין מאסקווע פאר געשפרעכן מיט פוטין איבער אוקראינע


דזשעראד קושנער און דער אמעריקאנער ספעציעלער ענוואוי סטיוו וויטקאף זענען יעצט אויפ'ן וועג קיין מאסקווע פאר פנים-אל-פנים געשפרעכן מיטן רוסישן פרעזידענט וולאדימיר פוטין. די וויכטיגע מיטינג איז ערווארטעט פארצוקומען דעם דאנערשטאג.


די רייזע קומט נאך צוויי טעג פון געשפרעכן אין אבו דאבי וואס זענען געפירט געווארן דורך אמעריקע, אבער האבן זיך געענדיגט אן קיין קלארן דורכברוך. קושנער האט געזאגט אז ער און וויטקאף ווילן איבערגיין מיט פוטין דאס וואס מ'האט דארט פארהאנדלט און פרובירן צו שטיפן פאר מער פראגרעס, וויבאלד ער גלייבט אז עס זענען פארהאן אפענע טירן און גוטע געלעגנהייטן. נאך דעם מאסקווע באזוך זענען די ענוואויס געפלאנט צו פארן קיין דובלין, זיך צו טרעפן מיטן אוקראינישן פרעזידענט וולאדימיר זעלענסקי און אים אפדעיטן פונקטליך וואו זאכן האלטן.


געפאנגענע אויסטויש און טעריטאריע פראגעס


קושנער האט אויך געמאלדן אז מ'האט דערגרייכט אן אפמאך איבער א געפאנגענע אויסטויש, וואס איז געווען פון די איינציגסטע קאנקרעטע רעזולטאטן וואס זענען ארויסגעקומען פון די אבו דאבי פארהאנדלונגען. ער האט אראפגעלייגט די פראגע איבער טעריטאריע אלס איינע פון די שווערסטע אישוס אויפ'ן טיש, אבער ער איז קאנפידענט אז מ'קען נאך אלס דערגרייכן א פולשטענדיגע שלום אפמאך דורך זיך נעמען איבער די אנדערע פארבליבענע פראבלעמען.


ער האט צוגעגעבן אז א טייל פון די אגענדע אין מאסקווע איז צו פארהאנדלען ווי אזוי אריינצוברענגען אייראפעאישע לענדער אין די פארהאנדלונגען. קושנער האט געזאגט אז א דירעקטע מיטינג צווישן פוטין און זעלענסקי וואלט געווען זייער א געוואונטשענע זאך, אבער די רוסישע זייט וויל קודם זען מער פראגרעס בעפאר אזא זאך פאסירט.


פריערדיגע באזוכן אין קרעמלין דורך די ענוואויס האבן דערווייל נישט געברענגט קיין ענדגילטיגע שלום דיעל, און די גרויסע פראגע איז יעצט צי די יעצטיגע רייזע וועט זיין עפעס אנדערש און ברענגען די געוואונטשענע רעזולטאטן.