בס"ד

סעקרעטערי אוו סטעיט מארקא רוביא שטעלט א קלארן חילוק צווישן די איראנער פירער און נארט קארעא'ס קים דזשאנג אן

סעקרעטערי אוו סטעיט מארקא רוביא האט ארויסגעשטעלט א שארפן ליניע צווישן צוויי פון אמעריקע'ס גרעסטע פיינט. ביי א רעדע וואס ער האט אפגעגעבן ביי די "פעדעראליסט סאסייעטי'ס נאציאנאלע לויערס קאנווענשאן" אין וואשינגטאן דעם 13'טן נאוועמבער, האט רוביא געזאגט אז דער נארט קארעא דיקטאטור קים דזשאנג אן איז בכלל נישט אינטערעסירט צו איינעמען יאפאן, נאר ער זוכט פשוט אז זיין רעזשים זאל איבערלעבן.


ער האט קלארגעשטעלט אז קים זוכט נישט צו פארברייטערן זיינע גרעניצן און האט נישט קיין שום פלענער צו אינוואדירן יאפאן אדער טשיינע. אבער ער האט אונטערגעשטראכן אז ער זוכט חלילה נישט צו פארענטפערן די שרעקליכע זאכן וואס קומען פאר אין נארט קארעא.


אבער ווען עס קומט צו איראן, האט רוביא טענה'ט, איז עס אן אנדערע מעשה: אירע פירער זענען רעוואלוציאנערן וואס זוכן יא צו פארברייטערן זייער מאכט. ער האט אנגעוויזן אויף די גרינדונגס-דאקומענטן פון די איסלאמישע רעפובליק, וואס באשרייבן דעם העכסטן פירער אלס א פירער וואס זיין מאכט גייט אריבער די איראנער גרעניצן. רוביא האט דערנאך געפרעגט א שרעקעדיגע פראגע: "וואס וועט פאסירן אויב איראן וועט אמאל לייגן א האנט אויף א נוקלעארע וואפן?"


די קאמענטארן קומען אין א צייט וואס אמעריקע און מדינת ישראל פירן א מלחמה קעגן איראן, וואס לויט רוביא איז די ציל דערפון צו פארזיכערן אז טעהראן וועט קיינמאל נישט קענען אנטוויקלען א נוקלעארע וואפן.


די רעדע איז אויך געווען זיין ערשטע אפיציעלע אויפטריט זינט די רעפובליקאנער האבן געליטן שווערע פארלוסטן אין די נאוועמבער 3 מידטוירם וואלן. דאס האט נאר צוגעגעבן צו די שפעקולאציעס אז ער פלאנירט א מעגליכע פרעזידענטליכע קאמפיין אין יאר 2028, כאטש ער לייקנט עס אפ.


זיין באשרייבונג איבער קים דזשאנג אן האט ארויסגערופן קריטיק, אריינגערעכנט פונעם קאליפארניע גאווערנאר געווין ניוסאם וואס האט זיך געריסן דערויף און אפגעשפעט דערפון. עס איז ערווארטעט אז דער חילוק וואס ער האט ארויסגעשטעלט צווישן די צוויי רעגירונגען וועט נאך זיין א טעמע פאר דעבאטע פאר א שטיק צייט.