ווידעא: כ"ק אדמו"ר מוויזשניץ מאנסי שליט"א ביי א פארטאגס באזוך אין ירושלים בעת זיין נסיעה קיין ארץ ישראל
כ"ק אדמו"ר מוויזשניץ מאנסי שליט"א אויף א געהויבענע נסיעה אין ארץ ישראל; אפגעשטאט אן אומגעווענליכע באזוך פארטאגס אין ירושלים
כ"ק אדמו"ר מוויזשניץ מאנסי שליט"א געפינט זיך יעצט אויף א געהויבענע נסיעה אין ארץ ישראל, אינאיינעם מיט הונדערטער חסידים וואס זענען מיטגעפארן מיטן רבין.
דעם דאנערשטאג פארטאגס האט זיך אפגעשפילט אן אומגעווענליכע סצענע, ווען קורץ פאר 5:00 אזייגער איז דער רבי געזען געווארן אנקומען אין די סנהדריה געגנט אין ירושלים. דער רבי האט דארט אפגעשטאט א ספעציעלע באזוך ביי א רב וועלכער איז אנגעשלאסן אין קהילת וויזשניץ-מאור חיים. א ווידעא וואס איז פארשפרייט געווארן צייגט ווי דער רבי קומט אן צום געביידע אין די פריע פארטאגס שטונדן אינאיינעם מיט זיין פמליא.
פריער אין די וואך איז דער רבי אנגעקומען קיין בני ברק, וואו ער האט פוקד געווען די קברי אבות און מתפלל געווען לישועת הכלל והפרט. נאכדעם האט דער רבי אויפגעטרויטן מיט א ספעציעלע דרשה פאר טויזנטער חסידים לקראת דעם קומענדיגן יום הדין ראש השנה.
ביי די דרשה האט דער רבי שטארק מעורר געווען דעם ציבור חסידים צו פארמערן בתפילה און תחנונים יעצט אין די טעג בעפאר די ימים נוראים.
