פלארידע גאווערנאר קאנדידאט בייראן דאנאלדס פארשפרעכט צו רעגולירן 'עי-איי' באנוץ פאר קינדער אן ערלויבעניש פון עלטערן

דער פלארידע גאווערנאר קאנדידאט, בייראן דאנאלדס, האט געמאלדן אז אויב ווערט ער ערוויילט אלס גאווערנאר, וועט ער איינשטעלן שטרענגע רעגולאציעס וואס וועט פאדערן די ערלויבעניש פון עלטערן בעפאר קינדער קענען האבן אומבאגרעניצטע צוטריט צו 'עי-איי' (AI) טשעטבאטס. 

דאנאלדס האט אונטערגעשטראכן אז פלארידע דארף נעמען די פירערשאפט אויף דעם פראנט, און נישט ווארטן אויף סטעיטס ווי ניו יארק אדער קאליפארניע, וועלכע לויט אים "ספעציאליזירן זיך אין נארישקייטן". ער האט גערופן פאר קלוגע און "קאמאן סענס" געזעצן ארום ארטיפישעל אינטעלידזשענס צו באשיצן די יוגנט פון די עכטע געפארן וואס מען זעט שוין פון די טעכנאלאגיע. ער האט עס צוגעגליכן צו די שוין-באקאנטע סכנות וואס קומט פון אומקאנטראלירטע 'סאשעל מידיע' באנוץ ביי קינדער.

דער קאנדידאט האט קלארגעמאכט אז די פולע קאנטראל און רעכטן איבער וואס די קינדער טוען מיט עי-איי סיסטעמען מוז בלייבן ביי די עלטערן. די רעגולאציעס אויפ'ן סטעיט שטאפל וועלן פארזיכערן אז פאמיליעס קענען האלטן אן אויג און באשליסן צו וואס זייערע קינדער האבן צוטריט, און אזוי ארום פארמיידן אומגעפילטערטע אינהאלט וואס האט שוין אנגעמאכט שאדנס. ער האט צוגעגעבן אז דאס באשיצן קינדער בלייבט די העכסטע פריאריטעט, אפילו בשעת מען לאזט די טעכנאלאגיע זיך ווייטער אנטוויקלען אונטער פאראנטווארטליכע גיידליינס.

מיט'ן פאראויסרוקן די דאזיגע שוץ-מיטלען, וועט פלארידע אונטער דאנאלדס' פירערשאפט דינען אלס א שטארקער ביישפיל פאר'ן גאנצן לאנד וויאזוי צו באלאנסירן טעכנאלאגיע מיט די זיכערהייט פון קינדער. דער פלאן לייגט א דגוש אויף די וויכטיגקייט פון עלטערן'ס אריינמישונג אינעם דיגיטאלן תקופה, און ווארפט אפ די פאליסיס פון זיך נישט וויסנדיג מאכן וואס לאזט קינדער אויסגעשטעלט צו געפאר. וויילער וואס זענען באזארגט איבער די שנעלע וואוקס פון עי-איי קענען קוקן אויף דעם צוזאג אלס א פראקטישע שריט צו האלטן די קומענדיגע דור זיכער.