ווידעא: צענדליגער זאמלען זיך ביים כותל צו מתפלל זיין פאר נריה דוב בן חנה וואס געפינט זיך אין א קריטישע צושטאנד
בס"ד
צענדליגע אידן רייסן איין ביים כותל המערבי פארן קרבן פון די שרעקליכע קאר-רעמינג טעראר אטאקע
צענדליגע אידן האבן זיך פארזאמלט ביים שריד בית מקדשנו דער כותל המערבי אין ירושלים, אפצורייכטן א ספעציעלע עצרת תפילה לרפואתו פונעם יונגערמאן 'נריה דוב בן חנה', וועלכער איז קריטיש פארוואונדעט געווארן אין א ברוטאלע קאר-רעמינג טעראר אטאקע נעבן בית חורון פאריגן חודש.
די עמוציאנעלע מעמד תפילה איז פארגעקומען אין די שפעטע נאכט שטונדן, בלויז עטליכע שעה נאכדעם וואס דער פארוואונדעטער איז אריינגעפירט געווארן אין עמערדזשענסי צום 'שערי צדק' מעדיקעל צענטער אין א קריטישן צושטאנד. פאמיליע מיטגלידער און פריינט האבן ארויסגעגעבן א רוף צום ציבור זיך צו פארזאמלען 11:00 ביינאכט ביים כותל צו מתפלל זיין פאר זיין לעבן. באריכטן פונעם ארט האבן באשטעטיגט אז צענדליגע זענען זיך טאקע צוזאמגעקומען זיך צו מיטציילן אין די תפילות.
גלייך נאך די אטאקע איז נריה דורכגעגאנגען א קאמפליצירטע עמערדזשענסי מוח אפערעישאן וואס האט זיך געצויגן פאר לאנגע שעות. די דאקטוירים האבן שפעטער איבערגעגעבן אז זיין מצב איז ברוך השם סטאביליזירט געווארן, אבער ער שוועבט נאך אלץ אין א לעבנס-געפאר.
די נויט פאר רחמי שמים איז נאך גרויס. אין אן אפדעיט וואס איז ארויסגעגעבן געווארן דורך זיין טאטע בעפאר שמחת תורה, האט ער איבערגעגעבן אז זיין זון איז נאך אלץ באהאפטן צו א רעספירעיטאר מאשין וואס העלפט אים אטעמען, און ער האט זיך געוואנדן צום ציבור מיט א הארציגע בקשה צו ווייטער מתפלל זיין פאר זיין ערהוילונג. א ברייטע קאמפיין איז אויך ארום געפארן וואס רופט דעם ציבור צו ווידמען צייט יעדן טאג צו זאגן תהלים און מתפלל זיין לרפואתו השלימה פון נריה דוב בן חנה בתוך שאר חולי ישראל.
ווי פריער באריכטעט דא אויף 'א בליק', איז די שוידערליכע אטאקע און די קריטישע וואונדן פון נריה אויפגעכאפט געווארן מיט גרויס שרעק, און די בילדער פונעם כותל צייגן די ווארימע השתתפות פונעם ציבור וואס רייסט איין פאר זיין רפואה.
צענדליגע אידן רייסן איין ביים כותל המערבי פארן קרבן פון די שרעקליכע קאר-רעמינג טעראר אטאקע
צענדליגע אידן האבן זיך פארזאמלט ביים שריד בית מקדשנו דער כותל המערבי אין ירושלים, אפצורייכטן א ספעציעלע עצרת תפילה לרפואתו פונעם יונגערמאן 'נריה דוב בן חנה', וועלכער איז קריטיש פארוואונדעט געווארן אין א ברוטאלע קאר-רעמינג טעראר אטאקע נעבן בית חורון פאריגן חודש.
די עמוציאנעלע מעמד תפילה איז פארגעקומען אין די שפעטע נאכט שטונדן, בלויז עטליכע שעה נאכדעם וואס דער פארוואונדעטער איז אריינגעפירט געווארן אין עמערדזשענסי צום 'שערי צדק' מעדיקעל צענטער אין א קריטישן צושטאנד. פאמיליע מיטגלידער און פריינט האבן ארויסגעגעבן א רוף צום ציבור זיך צו פארזאמלען 11:00 ביינאכט ביים כותל צו מתפלל זיין פאר זיין לעבן. באריכטן פונעם ארט האבן באשטעטיגט אז צענדליגע זענען זיך טאקע צוזאמגעקומען זיך צו מיטציילן אין די תפילות.
גלייך נאך די אטאקע איז נריה דורכגעגאנגען א קאמפליצירטע עמערדזשענסי מוח אפערעישאן וואס האט זיך געצויגן פאר לאנגע שעות. די דאקטוירים האבן שפעטער איבערגעגעבן אז זיין מצב איז ברוך השם סטאביליזירט געווארן, אבער ער שוועבט נאך אלץ אין א לעבנס-געפאר.
די נויט פאר רחמי שמים איז נאך גרויס. אין אן אפדעיט וואס איז ארויסגעגעבן געווארן דורך זיין טאטע בעפאר שמחת תורה, האט ער איבערגעגעבן אז זיין זון איז נאך אלץ באהאפטן צו א רעספירעיטאר מאשין וואס העלפט אים אטעמען, און ער האט זיך געוואנדן צום ציבור מיט א הארציגע בקשה צו ווייטער מתפלל זיין פאר זיין ערהוילונג. א ברייטע קאמפיין איז אויך ארום געפארן וואס רופט דעם ציבור צו ווידמען צייט יעדן טאג צו זאגן תהלים און מתפלל זיין לרפואתו השלימה פון נריה דוב בן חנה בתוך שאר חולי ישראל.
ווי פריער באריכטעט דא אויף 'א בליק', איז די שוידערליכע אטאקע און די קריטישע וואונדן פון נריה אויפגעכאפט געווארן מיט גרויס שרעק, און די בילדער פונעם כותל צייגן די ווארימע השתתפות פונעם ציבור וואס רייסט איין פאר זיין רפואה.
