שפאנונג אין אייראפע: פרעזידענט טראמפ ווארנט אז איטאליע און אנדערע לענדער גייען פעיסן די זעלבע טראבל ווי פראנקרייך
טראמפ איבער די אומרוען אין פראנקרייך: "עס האט צוטון מיט אימיגראציע; אייראפע איז פארטיג אויב זיי מאכן נישט צו די גרעניצן"
פרעזידענט דאנאלד טראמפ האט מאנטאג, רעדנדיג אינדרויסן פונעם ווייסן הויז, זיך באצויגן צו די שווערע אומרוען וואס קומען פאר אין פראנקרייך, זאגנדיג אז די ראיאטן זענען א דירעקטע רעזולטאט פון אימיגראציע. "עס האט צוטון מיט אימיגראציע, נישט מיט שולעס, און נישט מיט גארנישט אנדערש," האט טראמפ קלארגעשטעלט.
דער פרעזידענט האט דערציילט אז נאך ביי זיין ערשטע טערמין, ווען ער האט זיך צום ערשטן מאל געטראפן מיטן פראנצויזישן פרעזידענט עמנואל מאקרון, האט ער אים שוין געווארנט: "מאך צו דיינע באדערס," ווייל אויב נישט וועט ער האבן נאר צרות. טראמפ האט באשולדיגט פראנקרייך אין אריינלאזן מאסן מענטשן וואס "האבן נישט ליב דאס לאנד," אירע געביידעס אדער איר קונסט. ער האט אנגערופן מאקרון א "גוטער פריינט," אבער צוגעלייגט אז ער האט געמאכט א טראגישן טעות מיט'ן עפענען די טויערן פאר מענטשן פון איבער דער גארער וועלט.
טראמפ האט דערנאך אויסגעברייטערט זיין ווארענונג צו גאנץ אייראפע. ער האט געווארנט אז אויב די אייראפעאישע לענדער וועלן נישט פארמאכן זייערע גרעניצן און ארויסווארפן די קרימינאלן, "איז אייראפע פארטיג." ער האט אנגעוויזן אויף די כאאס און אומרוען אין פראנקרייך, איטאליע און אנדערע אייראפעאישע לענדער אלס א באווייז צו זיינע ווערטער.
פון זיין זייט האט מאקרון אנגעוויזן אויף גאנץ אנדערע אורזאכן פאר די ראיאטן. לויט באריכטן, באשולדיגט דער פראנצויזישער פירער די ענערגיע קריזיס, די נאכווייען פון אמעריקאנער פאליסיס, און די מלחמה אין איראן. ווען טראמפ איז געפרעגט געווארן דערוועגן, האט ער דאס קאטעגאריש אפגעווארפן.
אין פאקט זענען די פראטעסטן אין פראנקרייך ארגינעל אנגעהויבן געווארן צוליב די הויכע פרייזן און לעבנס-קאסטן, מאנגל אין פאנדן פאר עדיוקעישאן, און שוואכע פובליק סערוויסעס. אנאליסטן צייגן אן אז טראמפ'ס ווערטער זענען מער געבויט אויף זיין ברייטע פאליטישע אגענדע ווי אויף פאקטישע באווייזן, און די פונקטליכע אורזאך פון די אומרוען בלייבט נאך אלס א טעמע פון דעבאטע.
פרעזידענט דאנאלד טראמפ האט מאנטאג, רעדנדיג אינדרויסן פונעם ווייסן הויז, זיך באצויגן צו די שווערע אומרוען וואס קומען פאר אין פראנקרייך, זאגנדיג אז די ראיאטן זענען א דירעקטע רעזולטאט פון אימיגראציע. "עס האט צוטון מיט אימיגראציע, נישט מיט שולעס, און נישט מיט גארנישט אנדערש," האט טראמפ קלארגעשטעלט.
דער פרעזידענט האט דערציילט אז נאך ביי זיין ערשטע טערמין, ווען ער האט זיך צום ערשטן מאל געטראפן מיטן פראנצויזישן פרעזידענט עמנואל מאקרון, האט ער אים שוין געווארנט: "מאך צו דיינע באדערס," ווייל אויב נישט וועט ער האבן נאר צרות. טראמפ האט באשולדיגט פראנקרייך אין אריינלאזן מאסן מענטשן וואס "האבן נישט ליב דאס לאנד," אירע געביידעס אדער איר קונסט. ער האט אנגערופן מאקרון א "גוטער פריינט," אבער צוגעלייגט אז ער האט געמאכט א טראגישן טעות מיט'ן עפענען די טויערן פאר מענטשן פון איבער דער גארער וועלט.
טראמפ האט דערנאך אויסגעברייטערט זיין ווארענונג צו גאנץ אייראפע. ער האט געווארנט אז אויב די אייראפעאישע לענדער וועלן נישט פארמאכן זייערע גרעניצן און ארויסווארפן די קרימינאלן, "איז אייראפע פארטיג." ער האט אנגעוויזן אויף די כאאס און אומרוען אין פראנקרייך, איטאליע און אנדערע אייראפעאישע לענדער אלס א באווייז צו זיינע ווערטער.
פון זיין זייט האט מאקרון אנגעוויזן אויף גאנץ אנדערע אורזאכן פאר די ראיאטן. לויט באריכטן, באשולדיגט דער פראנצויזישער פירער די ענערגיע קריזיס, די נאכווייען פון אמעריקאנער פאליסיס, און די מלחמה אין איראן. ווען טראמפ איז געפרעגט געווארן דערוועגן, האט ער דאס קאטעגאריש אפגעווארפן.
אין פאקט זענען די פראטעסטן אין פראנקרייך ארגינעל אנגעהויבן געווארן צוליב די הויכע פרייזן און לעבנס-קאסטן, מאנגל אין פאנדן פאר עדיוקעישאן, און שוואכע פובליק סערוויסעס. אנאליסטן צייגן אן אז טראמפ'ס ווערטער זענען מער געבויט אויף זיין ברייטע פאליטישע אגענדע ווי אויף פאקטישע באווייזן, און די פונקטליכע אורזאך פון די אומרוען בלייבט נאך אלס א טעמע פון דעבאטע.
