איראן אונטער דיפלאמאטישע פייער: רוביא באשולדיגט טעהראן אין דעסטאביליזירן די גאנצע מיטל מזרח
סעקרעטערי אוו סטעיט מארקא רוביא: "איראן איז דער הויפט שולדיגער אין די אומסטאביליטעט אינעם מיטל מזרח"
פאריז. – דער אמעריקאנער סעקרעטערי אוו סטעיט, מארקא רוביא, האט שארף אראפגעריסן דעם איראנער רעזשים, באשולדיגנדיג טעהראן אלס דער הויפט פאקטאר אונטער די כאאס און אומסטאביליטעט איבערן גאנצן מיטל מזרח.
רעדנדיג צו רעפארטער אין פאריז דעם 10'טן נאוועמבער, נאך א זיצונג פון די 'דזשי-7' (G7) אויסערן מיניסטארן, האט רוביא אנגעוויזן אויף די כוטי רעבעלן אין תימן, איראן-געשטיצטע מיליציעס אין איראק, חיזבאללא אין לבנון, כאמאס, און די בירגער קריג אין סיריע, אלס קלארע ביישפילן פון טעהראן'ס טעראר אקטיוויטעטן און דעסטאביליזירנדע איינפלוס.
"אונטער יעדע איינציגסטע פון די דעסטאביליזירנדע אקטיוויטעטן אינעם מיטל מזרח איז דא איין געמיינזאמע פאקטאר — דער איראנער רעזשים," האט רוביא דעקלערט.
ער האט ארויסגעברענגט אז די רעגירונגען אינעם ראיאן, אריינגערעכנט סאודי אראביע, אנערקענען גוט איראן'ס ראלע אין שטיצן טעראר גרופעס וואס סטראשען די ארומיגע לענדער און אונטערגראבן די לאקאלע זיכערהייט. רוביא האט ספעציעל אנגעוויזן אויף די געפאר פון די כוטיס, אויסדרוקנדיג זארג איבער זייערע אטאקעס אויף סאודישע אינטערעסן, און האט קלארגעשטעלט אז די גרופע וואלט בכלל נישט עקזיסטירט אין איר יעצטיגן פארמאט אן די שטיצע פון איראן.
זיינע ווערטער האבן אונטערגעשטראכן די פאזיציע פון די טראמפ אדמיניסטראציע, אז טעהראן'ס אקטיוויטעטן אינעם ראיאן זענען א הויפט זיכערהייט זארג, וואס גייט פיל ווייטער ווי בלויז איר נוקלעארע פראגראם.
רוביא'ס קאמענטארן קומען אין די צייט וואס אמעריקע האלט אן א שווערע עקאנאמישע דרוק אויף איראן דורך שטרענגע סאנקציעס און א פלאטע בלאקאדע. לויט אים, טוען די שריט שטארק שעדיגן די פינאנצן פונעם איראנער רעזשים. ער האט טענה'ט אז די פרעשור ארבעט אזוי גוט, אז פרעזידענט דאנאלד טראמפ זעט דערווייל נישט קיין געברויך צו פארארדענען גרויסע מיליטערישע אפעראציעס. אבער ער האט קלאר געווארנט אז די אמעריקאנער קרעפטן זענען פולשטענדיג גרייט צו רעאגירן אויב איראן וועט אריבערטרעטן געוויסע רויטע ליניעס.
דער סעקרעטערי אוו סטעיט האט אויך באשולדיגט טעהראן אז אנשטאט צו אינוועסטירן אין אינפראסטרוקטור און פובליק סערוויסעס פארן איראנער פאלק, האבן זיי אויסגענוצט די געלטער וואס זיי האבן באקומען פון פריערדיגע סאנקציעס-פארלייכטערונגען צו פארשטארקן זייערע וואפן פראגראמען און פינאנצירן טעראר פראקסיס.
אין דער זעלבער צייט האט רוביא געזאגט אז וואשינגטאן בלייבט אפן פאר א דיפלאמאטישע אפמאך, כאטש ער האט קריטיקירט איראן'ס יעצטיגע פאדערונגען אלס "אומריאליסטיש", און האט באטאנט אז סיי וועלכע נוקלעארע ענערגיע פראגראם מוז אפערירן אונטער אקצעפטירבארע באדינגונגען.
זיינע רייד צייגן אז די אדמיניסטראציע פלאנט צו קאמבינירן עקאנאמישע פרעשור מיט דיפלאמאטישע געשפרעכן, אינאיינעם מיט א שטענדיגע מיליטערישע גרייטקייט. צו די שריט וועלן למעשה באווייזן אפצושטעלן איראן'ס שטיצע פאר טעראר גרופעס, בלייבט א הויפט פראגע פאר די זיכערהייט פונעם מיטל מזרח.
פאריז. – דער אמעריקאנער סעקרעטערי אוו סטעיט, מארקא רוביא, האט שארף אראפגעריסן דעם איראנער רעזשים, באשולדיגנדיג טעהראן אלס דער הויפט פאקטאר אונטער די כאאס און אומסטאביליטעט איבערן גאנצן מיטל מזרח.
רעדנדיג צו רעפארטער אין פאריז דעם 10'טן נאוועמבער, נאך א זיצונג פון די 'דזשי-7' (G7) אויסערן מיניסטארן, האט רוביא אנגעוויזן אויף די כוטי רעבעלן אין תימן, איראן-געשטיצטע מיליציעס אין איראק, חיזבאללא אין לבנון, כאמאס, און די בירגער קריג אין סיריע, אלס קלארע ביישפילן פון טעהראן'ס טעראר אקטיוויטעטן און דעסטאביליזירנדע איינפלוס.
"אונטער יעדע איינציגסטע פון די דעסטאביליזירנדע אקטיוויטעטן אינעם מיטל מזרח איז דא איין געמיינזאמע פאקטאר — דער איראנער רעזשים," האט רוביא דעקלערט.
ער האט ארויסגעברענגט אז די רעגירונגען אינעם ראיאן, אריינגערעכנט סאודי אראביע, אנערקענען גוט איראן'ס ראלע אין שטיצן טעראר גרופעס וואס סטראשען די ארומיגע לענדער און אונטערגראבן די לאקאלע זיכערהייט. רוביא האט ספעציעל אנגעוויזן אויף די געפאר פון די כוטיס, אויסדרוקנדיג זארג איבער זייערע אטאקעס אויף סאודישע אינטערעסן, און האט קלארגעשטעלט אז די גרופע וואלט בכלל נישט עקזיסטירט אין איר יעצטיגן פארמאט אן די שטיצע פון איראן.
זיינע ווערטער האבן אונטערגעשטראכן די פאזיציע פון די טראמפ אדמיניסטראציע, אז טעהראן'ס אקטיוויטעטן אינעם ראיאן זענען א הויפט זיכערהייט זארג, וואס גייט פיל ווייטער ווי בלויז איר נוקלעארע פראגראם.
רוביא'ס קאמענטארן קומען אין די צייט וואס אמעריקע האלט אן א שווערע עקאנאמישע דרוק אויף איראן דורך שטרענגע סאנקציעס און א פלאטע בלאקאדע. לויט אים, טוען די שריט שטארק שעדיגן די פינאנצן פונעם איראנער רעזשים. ער האט טענה'ט אז די פרעשור ארבעט אזוי גוט, אז פרעזידענט דאנאלד טראמפ זעט דערווייל נישט קיין געברויך צו פארארדענען גרויסע מיליטערישע אפעראציעס. אבער ער האט קלאר געווארנט אז די אמעריקאנער קרעפטן זענען פולשטענדיג גרייט צו רעאגירן אויב איראן וועט אריבערטרעטן געוויסע רויטע ליניעס.
דער סעקרעטערי אוו סטעיט האט אויך באשולדיגט טעהראן אז אנשטאט צו אינוועסטירן אין אינפראסטרוקטור און פובליק סערוויסעס פארן איראנער פאלק, האבן זיי אויסגענוצט די געלטער וואס זיי האבן באקומען פון פריערדיגע סאנקציעס-פארלייכטערונגען צו פארשטארקן זייערע וואפן פראגראמען און פינאנצירן טעראר פראקסיס.
אין דער זעלבער צייט האט רוביא געזאגט אז וואשינגטאן בלייבט אפן פאר א דיפלאמאטישע אפמאך, כאטש ער האט קריטיקירט איראן'ס יעצטיגע פאדערונגען אלס "אומריאליסטיש", און האט באטאנט אז סיי וועלכע נוקלעארע ענערגיע פראגראם מוז אפערירן אונטער אקצעפטירבארע באדינגונגען.
זיינע רייד צייגן אז די אדמיניסטראציע פלאנט צו קאמבינירן עקאנאמישע פרעשור מיט דיפלאמאטישע געשפרעכן, אינאיינעם מיט א שטענדיגע מיליטערישע גרייטקייט. צו די שריט וועלן למעשה באווייזן אפצושטעלן איראן'ס שטיצע פאר טעראר גרופעס, בלייבט א הויפט פראגע פאר די זיכערהייט פונעם מיטל מזרח.
