מאסיווע שניי-שטורעם באגראבט א בארג-האטעל אין יאפאן; ארבעטער געצווונגען זיך ארויסצוגראבן פון אונטער די שניי הויפנס


ארבעטער אין א בארג-האטעל אין טאטעיאמא, יאפאן, האבן זיך אנגעשטויסן אין אן אויסטערלישע ווינטער רייניגונג דעם 20'סטן נאוועמבער, נאכדעם וואס א שווערע שניי-שטורעם האט אינגאנצן באגראבן דעם הויפט אריינגאנג צו די געביידע און די ארומיגע וועגן. דראמאטישע בילדער פונעם 'ראיטשא אנסען ראיטשאסא' האטעל צייגט ווי די סטאף מיטגלידער נוצן שארפ-אייזנס און אנדערע עקוויפמענט אוועקצוקלינען דעם טיפן שניי פון די גלעזערנע טירן און אריינגענג.


ריזיגע שניי-הויפנס האבן זיך אנגעזאמלט ארום דעם פראפערטי, וואס האט געצווונגען די ארבעטער זיך ממש ארויסצוגראבן א וועג צום אריינגאנג בלויז כדי צו האלטן דעם פלאץ צוטריטליך. די טעמפעראטורן אין די געגנט זענען געפאלן טיף אונטער פרירינג, מיט באריכטן וואס צייגן אז עס האט געהאלטן ביי ארום 10 גראד (12- סעלסיוס). די סצענע ברענגט ארויס די שווערע וועטער אומשטענדן וואס קענען זיך אנטוויקלען גאר שנעל אין די יאפאנעזער אלפן-בערג, וואו מעכטיגע ווינטער שטורעמס דעקן אפט איבער די הויכע בערג מיט א דיקע שיכט שניי. פאר די סטאף פונעם האטעל איז דאס קלינען דעם אריינגאנג נישט געווען סתם א רוטינע מעינטענענס ארבעט, נאר א קריטישע שריט צו האלטן דעם פלאץ אפן און זיכער.


דער שניי איז געווען א טייל פון א מאסיווע ווינטער שטורעם וואס האט באטראפן די טאטעיאמא בארג-געגנט, וואו די אומשטענדן האבן זיך דראסטיש פארערגערט אין לויף פון עטליכע טעג. א לאקאלע באריכט האט רעקארדירט ארום צוויי מעטער שניי וואס איז געפאלן צווישן נאוועמבער 19 און 21, און טייל ווינט-געבלאזענע שניי-הויפנס האבן דערגרייכט ביז פינעף אדער זעקס מעטער הויך ביים 22'סטן נאוועמבער.


די טעמפעראטורן ביי א הייך פון 3,000 מעטער זענען געפאלן צו ארום 15.6- סעלסיוס, בעת ביים האטעל זעלבסט האט מען רעקארדירט 12- סעלסיוס אינדערפרי פונעם 20'סטן נאוועמבער. די טאטעיאמא געגנט איז באקאנט פאר אירע עקסטרעמע ווינטער אומשטענדן און הערליכע שניי-באדעקטע לאנדשאפטן. די פרישע בילדער גיבן א קליינעם אריינבליק אין די שווערע ארבעט וואס פאדערט זיך צו האלטן די בארג-איינריכטונגען אפן און צוטריטליך ווען א שווערע שניי פאלט.