א געהויבענע אטמאספערע הערשט די טעג נעבן דעם ציון פון הרה"ק רבי נחמן מברסלב זי"ע, וואס ווערט אלס מער דערהויבן ווי נענטער מען רוקט זיך צום הייליגן יו"ט ראש השנה.

טויזנטער אידן פון איבער דער גארער וועלט זענען שוין אנגעקומען אין אומאן זיך צו באטייליגן אינעם גרויסן יערליכן "קיבוץ", און נאך צענדליגער טויזנטער ווערן ערווארטעט אנצוקומען

ווי 'א בליק' האט שוין פריער באריכטעט, ווערן די גאסן ארום דעם ציון אלס מער געפאקט מיט מאסן מתפללים וועלכע גרייטן זיך צום יום הדין, בעת די לאקאלע און ברייטע הכנות צום יו"ט גייען אן אין פולן שוואונג צו קענען אקאמאדירן דעם פלייץ פונעם ציבור.