ירושלים: באס דרייווער ערווארטעט צו ווערן אנגעקלאגט אינעם טראגישן טויט פון הבחור יוסף אייזנטהאל ז"ל

די ירושלים'ער דיסטריקט אטוירני אפיס האט געמאלדן פלענער אנצוקלאגן דעם באס דרייווער וואס איז געווען פארמישט אינעם טראגישן עקסידענט וואס האט געקאסט דאס לעבן פונעם 14-יעריגן הבחור יוסף אייזנטהאל ז"ל. דער דרייווער וועט אנגעקלאגט ווערן מיט קלאגעס פון טויטשלאג דורך פארנאכלעסיגקייט, נאכדעם וואס עס וועט פארקומען א פארהער.

דער טראגישער אינצידענט האט פאסירט פארגאנגענעם יאנואר, ווען דער יונגער בחור איז ל"ע אראפגעקלאפט געווארן דורך א באס בעת א חרדי'שע פראטעסט אין ירושלים.

דער באשלוס פון די פראקורארן קומט ארום צען מאנאטן נאכ'ן שרעקליכן פאסירונג, און קומט נאך א לענגערע אויספארשונג ארום די אומשטענדן פון די טראגעדיע.

די פארגעשלאגענע קלאגע איז מילדער ווי די קלאגעס וואס די פאליציי האט ארגינעל רעקאמענדירט. דער דרייווער וועט באקומען די געלעגנהייט צו רעאגירן און זיך פארטיידיגן ביי א ספעציעלן פארהער, בעפאר די ענדגילטיגע קלאגעס ווערן אפיציעל אריינגעגעבן אין געריכט.