טויזנטער זאמלען זיך אין חברון אויף שבת חיי שרה בשעת די פאליציי שטעלט אראפ הונדערטער פאליציאנטן
טויזנטער אידן האבן געפראוועט דעם געהויבענעם שבת פרשת חיי שרה אין שטאט חברון סמוך למערת המכפלה
טויזנטער אידן פון איבער גאנץ ארץ ישראל און פון אויסלאנד זענען זיך צוזאמגעקומען דעם פארגאנגענעם שבת קודש פרשת חיי שרה אין שטאט חברון, אפצורעכטן דעם יערליכן שבת סמוך ונראה למערת המכפלה וואו עס ליגן די אבות און אמהות.
די ארטיגע פאליציי האט אראפגעשטעלט הונדערטער אפיצירן צו קאנטראלירן די ריזיגע מאסן, אנהאלטן די זיכערהייט, און ארויסהעלפן מיט די שווערע טראפיק בעת די פילע געסט זענען אנגעקומען אין לויף פונעם פרייטאג.
ספעציעלע צוגרייטונגען זענען געמאכט געווארן צו קענען אויפנעמען און אקאמאדירן די טויזנטער געסט וואס זענען געקומען מיטהאלטן דעם שבת אין חברון. גרויסע הכנות זענען אויך געמאכט געווארן צוצושטעלן די פילע מנינים לתפילה און אנדערע פארזאמלונגען דורכאויס דעם שבת.
