היינט פארגעקומען די שמחת הברית פונעם ערשטן אייניקל (בן בכור) ביי כ"ק מרן אדמו"ר מביאלא בית שמש שליט"א.

דער רך הנימול איז א זון ביי זיין זון הרה"צ ר' שלמה לייב ראבינאוויטש שליט"א, וועלכער איז אן איידעם ביי הגה"צ ר' אהרן הלוי וואזנער שליט"א.

אין די שמחה האבן זיך באטייליגט פילע אדמו"רים, רבנים און א גרויסער ציבור חסידים, בראשות הרה''ק ר' יעקב מאיר שעכטער שליט"א וועלכער האט געדינט אלס מוהל.

אט זענען די כיבודים ביים ברית:

סנדקאות: דער זיידע, כ"ק אדמו"ר מביאלא בית שמש שליט"א.

א ספעציעלע התרגשות איז געווען ווען דער רבי איז געזעצן אויפן בענקל פון זיין פאטער הרה"ק בעל 'להבת דוד' מביאלא זיע"א, זייענדיג איינגעהילט אינעם טלית פונעם הייליגן 'חלקת יהושע' מביאלא זיע"א.

כסא של אליהו: דער צווייטער זיידע, הגה"צ ר' אהרן וואזנער שליט"א.

מן הכסא: הרה"צ ר' שאול גאלדמאן מזוועהיל שליט"א.

ברכות: הגה"צ ר' יוסף גאלדמאן שליט"א, און דער מוהל הגה"צ ר' יעקב מאיר שעכטער שליט"א.

עמידה לברכות: כ"ק אדמו"ר משידלאווצא שליט"א.

ביים קריאת השם האט דאס קינד באקומען דעם נאמען "שמואל", א נאמען נאך זיין עלטער זיידע, דער פוסק הדור מרן הגאון רבי שמואל הלוי וואזנער זצוק"ל, בעל 'שבט הלוי'.