פלארידע לייגט אויס דעם רויטן טעפיך: קאנגרעסמאן לאדנט איין אילאן מאסק צו אריבערפירן טעסלא'ס הויפטקווארטיר פון טעקסאס
גאלערי
ווידעאס
פלארידע פירער רופן אילאן מאסק צו אריבערפירן 'טעסלא' קיין פלארידע נאך דעמאקראטישע געווינסן אין טעקסאס
פלארידע מאכט א דירעקטע אפיל צו דעם ביליאנער אילאן מאסק, ווען דער רעפובליקאנער קאנגרעסמאן קארלאס גימענעז האט אפיציעל געשיקט א בריוו צו מאסק, אים איינצולאדענען צו באטראכטן אריבערצופירן די 'טעסלא' קארפאראט העדקווארטערס און ביזנעס אפעראציעס פון טעקסאס קיין פלארידע.
אין דעם בריוו, געדאטירט נאוועמבער 11, שרייבט גימענעז אז פלארידע שטעלט צו א ביזנעס אטמאספערע וואס איז אפן פאר אינאוואציע און עקאנאמישע פרייהייט, אן קיין איבריגע רעגירונג שטרויכלונגען.
די איינלאדונג קומט אין ליכט פון די נאוועמבער 3 וואלן, וואו די דעמאקראטן האבן אפגעראמט א מאסיווע זיג אין טעקסאס, איבערנעמענדיג דעם גאווערנאר אמט, א סענאט זיץ, און קאנטראל פונעם סטעיט הויז. גימענעז האט אויסגעדרוקט זארג איבער די ריזיקע פון איבריגע גאווערנמענט אריינמישונג און פאליטיש-מאטיווירטע אויספארשונגען אונטער די נייע דעמאקראטישע פירערשאפט.
"בעת אנדערע זוכן אויסצופארשן און באשטראפן סוקסעס, טוט פלארידע עס אויפנעמען מיט אפענע ארעמס," האט דער קאנגרעסמאן דעקלערט, צולייגנדיג אז קאמפאניס דארפן נישט ליידן קיין פאליטישע נקמה פאר'ן שאפן דזשאבס און אינוועסטירן אין אמעריקאנער אינאוואציע. ער שטעלט אראפ פלארידע אלס אן אלטערנאטיוו פאר מאסק'ס ביזנעסער יעצט ווען טעקסאס גרייט זיך צו א גרויסע פאליטישע טראנזיציע.
דער פלארידע גאווערנאר ראן דיסענטיס האט אויך געווארנט אז מאסק קען זיך אנשטויסן אין שוועריגקייטן פון די נייע דעמאקראטישע פירערשאפט אין טעקסאס, זאגנדיג אז די באאמטע וועלן ווארשיינליך עפענען אויספארשונגען קעגן דעם ביליאנער'ס ביזנעסער. דיסענטיס האט ספעציפיש אנגעוויזן אויף טעסלא'ס 'גיגאפעקטארי' נעבן אסטין, און אויסגעדרוקט זארג איבער דעם פאליטישן קלימאט וואס ווארט אפ פאר מאסק נאך די וואלן.
די ווארענונג קומט נאכדעם וואס דער ניי-ערוויילטער טעקסאס אטערני דזשענעראל נעיטען דזשאנסאן האט שוין אנגעדייט אז ער פלאנט אונטערצוזוכן געוויסע טיילן פון מאסק'ס ביזנעס אקטיוויטעטן, אריינגערעכנט סטעיט קאנטראקטן און גאווערנמענט באשלוסן ארום זיינע קאמפאניס.
ווי באקאנט האט מאסק שוין אין דער פארגאנגענהייט אריבערגעצויגן זיינע ביזנעס אפעראציעס פון קאליפארניע צוליב קאנפליקטן מיט די ארטיגע דעמאקראטישע פירערשאפט, און האט דאן באזעצט די טעסלא העדקווארטערס אין אסטין, טעקסאס.
עס איז וויכטיג אנצומערקן אז דערווייל האט טעסלא נישט געמאלדן קיין שום פלענער צו פארלאזן טעקסאס, און קיין שום באשלוס איז נישט באשטעטיגט געווארן. אבער דערווייל קאנקורירט פלארידע אפן צו צוציען איינע פון אמעריקע'ס גרעסטע טעכנאלאגיע פירער, בעת דער פאליטישער טויש אין טעקסאס ברענגט ארויף פרישע פראגעס איבער די צוקונפט פון מאסק'ס ביזנעס אימפעריע אין דעם סטעיט.
פלארידע מאכט א דירעקטע אפיל צו דעם ביליאנער אילאן מאסק, ווען דער רעפובליקאנער קאנגרעסמאן קארלאס גימענעז האט אפיציעל געשיקט א בריוו צו מאסק, אים איינצולאדענען צו באטראכטן אריבערצופירן די 'טעסלא' קארפאראט העדקווארטערס און ביזנעס אפעראציעס פון טעקסאס קיין פלארידע.
אין דעם בריוו, געדאטירט נאוועמבער 11, שרייבט גימענעז אז פלארידע שטעלט צו א ביזנעס אטמאספערע וואס איז אפן פאר אינאוואציע און עקאנאמישע פרייהייט, אן קיין איבריגע רעגירונג שטרויכלונגען.
די איינלאדונג קומט אין ליכט פון די נאוועמבער 3 וואלן, וואו די דעמאקראטן האבן אפגעראמט א מאסיווע זיג אין טעקסאס, איבערנעמענדיג דעם גאווערנאר אמט, א סענאט זיץ, און קאנטראל פונעם סטעיט הויז. גימענעז האט אויסגעדרוקט זארג איבער די ריזיקע פון איבריגע גאווערנמענט אריינמישונג און פאליטיש-מאטיווירטע אויספארשונגען אונטער די נייע דעמאקראטישע פירערשאפט.
"בעת אנדערע זוכן אויסצופארשן און באשטראפן סוקסעס, טוט פלארידע עס אויפנעמען מיט אפענע ארעמס," האט דער קאנגרעסמאן דעקלערט, צולייגנדיג אז קאמפאניס דארפן נישט ליידן קיין פאליטישע נקמה פאר'ן שאפן דזשאבס און אינוועסטירן אין אמעריקאנער אינאוואציע. ער שטעלט אראפ פלארידע אלס אן אלטערנאטיוו פאר מאסק'ס ביזנעסער יעצט ווען טעקסאס גרייט זיך צו א גרויסע פאליטישע טראנזיציע.
דער פלארידע גאווערנאר ראן דיסענטיס האט אויך געווארנט אז מאסק קען זיך אנשטויסן אין שוועריגקייטן פון די נייע דעמאקראטישע פירערשאפט אין טעקסאס, זאגנדיג אז די באאמטע וועלן ווארשיינליך עפענען אויספארשונגען קעגן דעם ביליאנער'ס ביזנעסער. דיסענטיס האט ספעציפיש אנגעוויזן אויף טעסלא'ס 'גיגאפעקטארי' נעבן אסטין, און אויסגעדרוקט זארג איבער דעם פאליטישן קלימאט וואס ווארט אפ פאר מאסק נאך די וואלן.
די ווארענונג קומט נאכדעם וואס דער ניי-ערוויילטער טעקסאס אטערני דזשענעראל נעיטען דזשאנסאן האט שוין אנגעדייט אז ער פלאנט אונטערצוזוכן געוויסע טיילן פון מאסק'ס ביזנעס אקטיוויטעטן, אריינגערעכנט סטעיט קאנטראקטן און גאווערנמענט באשלוסן ארום זיינע קאמפאניס.
ווי באקאנט האט מאסק שוין אין דער פארגאנגענהייט אריבערגעצויגן זיינע ביזנעס אפעראציעס פון קאליפארניע צוליב קאנפליקטן מיט די ארטיגע דעמאקראטישע פירערשאפט, און האט דאן באזעצט די טעסלא העדקווארטערס אין אסטין, טעקסאס.
עס איז וויכטיג אנצומערקן אז דערווייל האט טעסלא נישט געמאלדן קיין שום פלענער צו פארלאזן טעקסאס, און קיין שום באשלוס איז נישט באשטעטיגט געווארן. אבער דערווייל קאנקורירט פלארידע אפן צו צוציען איינע פון אמעריקע'ס גרעסטע טעכנאלאגיע פירער, בעת דער פאליטישער טויש אין טעקסאס ברענגט ארויף פרישע פראגעס איבער די צוקונפט פון מאסק'ס ביזנעס אימפעריע אין דעם סטעיט.