*אידישע פרוי אין ניו דזשערסי קלאגט "העקענסעק" שפיטאל נאך ניתוחי מתים*

ניו דזשערסי - א אידישע פרוי האט אריינגעגעבן א קלאגע אין געריכט קעגן די "העקענסעק" מעדיקעל צענטער ווי זי קלאגט אן די שפיטאל פארן דורכפירן א אוטאפסי אויף איר קינד קעגן איר ווילן און איר רעליגיע. די פאסירונג האט זיך אנגעהויבן ווען  פאר צוויי יאר צוריק האט די פרוי געבוירן א קינד וואס איז ליידער נישט געווען בין החיים אין די "העקענסעק" שפיטאל, זי האט דאן קלאר געפאדערט אז די שפיטאל זאל נאר דורכפירן דרויסענדע טעסטס אזויווי די הלכה פאדערט, א צייט שפעטער האט זי אויסגעפינען די שאקירענדע פאקט אז די שפיטאל האט דורכגעפירט א פולע אוטאפסי לאנגע חדשים נאך וואס דאס קינד האט געברויכט ווערן איבערגעבן לקבורה. 

אצינד האט זי אריינגעגעבן א קלאגע אין די דיסטריקט געריכט אין ניו דזשערסי ווי זי ברענגט ארויס אין די ארגומענטן אז די פאקט אז מען איז זיך באגאנגען מיט איר קינד נישט ווי איר רעליגיע פאדערט, און דאס אז זיי האבן געבראכן די קלארע אפמאך מיט איר צו אכטונג געבן אויף כבוד המת האט איר געברענגט צו שווערע טראומאטישע געפילן.

זעמל