כ"ק אדמו"ר מתולדות אברהם יצחק שליסט זיך אן אין די ימים נוראים "איה" קאמפיין פון בוני עולם
גאלערי
בס"ד
כ"ק אדמו"ר מתולדות אברהם יצחק שליט"א טרעט ארויס מיט ווארעמע שטיצע פארן "איה" קאמפיין פון בוני עולם לקראת די ימים נוראים
כ"ק אדמו"ר מתולדות אברהם יצחק שליט"א האט זיך אנגעשלאסן אין די מאסיווע אקציע ארום דעם "איה" קאמפיין פון די באקאנטע 'בוני עולם' ארגאניזאציע. דער קאמפיין איז א ספעציעלע ימים נוראים איניציאטיוו צו שאפן פאנדן ארויסצוהעלפן די פילע אידישע פאמיליעס וואס ווארטן נאך צו געהאלפן ווערן מיט זרע של קיימא.
דער קאמפיין איז אונטערגענומען געווארן יעצט אין די טעג בעפאר ראש השנה, ווען בוני עולם זוכט דעם ציבור'ס שטיצע פאר די טויזנטער קאפלס וואס זיי העלפן ארויס מיט טייערע מעדיצינישע באהאנדלונגען, דאקטוירים און אנדערע גרויסע הוצאות. דער נאמען פונעם קאמפיין איז געבויט אויף די ווערטער "איה מקום כבודו", וואס מ'זאגט אין די הייליגע ימים נוראים תפילות, ארויסברענגענדיג די טיפע בענקעניש און האפענונג פון די אידן וואס ווארטן שוין אזוי לאנג אויף אן אייגענעם קינד.
אלס א טייל פון די יעצטיגע קאמפיין באמיאונגען, האט דער תולדות אברהם יצחק רבי שליט"א ארויסגעטרעטן מיט א פערזענליכע רוף לטובת דעם מגבית. ביי א ספעציעלע אסיפה האט דער רבי גערעדט גאר ווארעם איבער הרב שלמה באכנער, דער גרינדער און פרעזידענט פון בוני עולם, און האט שטארק אויסגעלויבט זיין לאנגיעריגע און איבערגעגעבענע ארבעט פאר די קאפלס וואס מוטשען זיך, און די פילע פאמיליעס וואס זענען שוין ברוך השם געהאלפן געווארן א דאנק די הייליגע ארגאניזאציע.
דער "איה" קאמפיין נעמט אריין אין זיך א ברייטע שטיצע פון איבער די גאנצע תורה קאמיוניטי אין די טעג בעפאר ראש השנה. אנהייב וואך האבן זיך די חברי ועד הרבנים און די פירערשאפט פון בוני עולם געטראפן מיט מרן הגאון ר' משה הלל הירש שליט"א, וואו דער קאמפיין איז אפיציעל געווארן אונטערגענומען.
ווי באקאנט שטייט שוין בוני עולם פאר צענדליגע יארן צו די האנט פון אידישע קאפלס וואס גייען אדורך שווערע זמנים, און שטעלט צו קריטישע פינאנציעלע הילף און מאראלישע שטיצע דורכאויס די גאנצע צייט פון די באהאנדלונגען.