ווארענונג פון אן "ענדלאזע מלחמה": פאנעטא זאגט אז איראן קאנטראלירט נאך אלץ דעם הארמוז דורכגאס
געוועזענער סעקרעטערי אוו דיפענס לעאן פאנעטא ווארנט: "איראן קאנטראלירט נאך אלץ די הארמוז אדורכגאס" - טראץ טראמפ'ס דעקלאראציעס פון א פולשטענדיגע זיג
דער געוועזענער אמעריקאנער סעקרעטערי אוו דיפענס, לעאן פאנעטא, האט אויסגעדרוקט שווערע ספיקות איבער די אמעריקאנער פראגרעס אינעם אנגייענדן קאנפליקט מיט איראן. אין אן אינטערוויו אויף 'בלומבערג טעלעוויזיע' האט פאנעטא געזאגט אז איראן האלט נאך אלץ אן קאנטראל אויף די סטעיט אוו הארמוז (הארמוז אדורכגאס), טראץ וואס די אמעריקאנער מיליטער האט לעצטנס געמאלדן א גרויסע דורכברוך.
פאנעטא האט געווארנט אז אמעריקע קען זיך טרעפן פארכאפט אין א לאנג-פארצויגענע מלחמה אן קיין ענדע, ווי לאנג איראן האט די השפעה אויף דעם שמאלן וואסער-וועג. זיינע ווערטער קומען בלויז איין טאג נאכדעם וואס די 'סענטקאם' קאמאנדיר אדמיראל ברעד קופער האט געמאלדן אז אמעריקאנער קרעפטן האבן סוקסעספול אפגערייניגט אלע איראנער ים-מינעס פון די אינטערנאציאנאלע רוטס אינעם אדורכגאס, א שריט וואס ער האט אנגערופן א "מעידזשאר טורנינג פוינט" נאך חדשים פון נעיווי אפעראציעס.
א קאנפליקט פון ווערסיעס
די קאנטראווערסיע ברענגט ארויס א טיפערע צעטיילונג איבער וויפיל פראגרעס אמעריקע האט באמת געמאכט צוריקצושטעלן די פרייע דורכגאנג אין איינע פון די וועלט'ס וויכטיגסטע אויל רוטס. פרעזידענט טראמפ האט שוין דעקלארירט א פולשטענדיגע זיג, זאגנדיג פאר רעפארטערס אז די אדורכגאס איז יעצט "פולקאם אפן" און אז איראן איז געבליבן אן קיין שום קראפט אינעם קאנפליקט.
אבער איראנער אפישעלס האבן דאס קאטעגאריש אפגעווארפן. א ווארטזאגער פאר די איראנער רעוואלוציאנערע גווארדיע (IRGC) האט אנגעוויזן אז די אדורכגאס בלייבט פארמאכט צוליב די מינעס און אנגייענדע מיליטערישע אקטיוויטעטן, און האט אוועקגעמאכט די אמעריקאנער קלעימס אלס פשוט'ע פראפאגאנדע געצילט צו בארואיגן די אנגעצויגענע ענערגיע מארקעטס. דער קאנפליקט, וואס האט זיך אנגעהויבן ענדע פעברואר, האלט יעצט ביים זעקס-מאנאטן צייכן, ווען ארום א פינפטל פון די וועלט'ס אויל סופליי פארט אדורך די וואסערן וואס זענען נאך אלץ אונטער א שווערע געראנגל.
פון מיליטערישע אפעראציעס צו סאנקציעס
אנשטאט צו גיין ווייטער מיט דירעקטע מיליטערישע עסקאלאציעס, זעט אויס אז אמעריקע רוקט זיך יעצט צו לייגן שווערערע עקאנאמישע דרוק אויף טעהראן. דאס קען מען זען מיט די נייע סאנקציעס קאמפיין, אונטערן נאמען "אפעראציע עקאנאמישע אוטקעסט", וואס צילט איראן'ס פינאנציעלע און שיפינג נעצן.
אבער לויט פאנעטא, אפילו אויב די ים-מינעס זענען אפגעראמט און א נעיווי בלאקאדע איז אין פלאץ, איז די הויפט סטראטעגישע פראבלעם נאכאלץ נישט געלעזט געווארן: איראן'ס געאגראפישע מעגליכקייט צו סטראשען אדער שטערן די שיפן וואס פארן אדורך הארמוז ווען אימער זיי ווילן נאר. דאס מאכט אסאך שווערער פאר די טראמפ אדמיניסטראציע צו טוישן דעם פאקוס פון מיליטערישע אפעראציעס צו סאנקציעס, וויבאלד עס איז שווער צו אנהאלטן אן עקאנאמישע דרוק ווען איראן קען נאך אלץ ערנסט סטראשען די גלאבאלע אויל פלוס.
פאנעטא'ס ווארענונג לייגט ארויף א שאטן אויף וואס די אדמיניסטראציע האט אראפגעלייגט אלס א רייע פון לעצטיגע סוקסעסן, אריינגערעכנט די מינע-אפרייניגונג אפעראציע און א טיילווייזע צוריקקער פון פערסישע גאלף אויל עקספארטן. צו די אדורכגאס איז טאקע "אפן" ווי טראמפ זאגט, אדער נאך אלץ אונטער איראנער קאנטראל ווי פאנעטא און טעהראן טענה'ן, וועט זיך עווענטועל ארויסשטעלן נישט דורך פובליק סטעיטמענטס, נאר דורך וויאזוי קאמערציאלע שיפן וועלן זיך פירן אין די קומענדיגע וואכן. דערווייל בלייבט די ריס צווישן א דעקלארירטע זיג און די רעאליטעט אויפן פעלד א הויפט אומגעלעזטע פראגע אין א מלחמה וואס צייגט נישט קיין קלארע צייכנס פון קומען צו אן ענדע.
דער געוועזענער אמעריקאנער סעקרעטערי אוו דיפענס, לעאן פאנעטא, האט אויסגעדרוקט שווערע ספיקות איבער די אמעריקאנער פראגרעס אינעם אנגייענדן קאנפליקט מיט איראן. אין אן אינטערוויו אויף 'בלומבערג טעלעוויזיע' האט פאנעטא געזאגט אז איראן האלט נאך אלץ אן קאנטראל אויף די סטעיט אוו הארמוז (הארמוז אדורכגאס), טראץ וואס די אמעריקאנער מיליטער האט לעצטנס געמאלדן א גרויסע דורכברוך.
פאנעטא האט געווארנט אז אמעריקע קען זיך טרעפן פארכאפט אין א לאנג-פארצויגענע מלחמה אן קיין ענדע, ווי לאנג איראן האט די השפעה אויף דעם שמאלן וואסער-וועג. זיינע ווערטער קומען בלויז איין טאג נאכדעם וואס די 'סענטקאם' קאמאנדיר אדמיראל ברעד קופער האט געמאלדן אז אמעריקאנער קרעפטן האבן סוקסעספול אפגערייניגט אלע איראנער ים-מינעס פון די אינטערנאציאנאלע רוטס אינעם אדורכגאס, א שריט וואס ער האט אנגערופן א "מעידזשאר טורנינג פוינט" נאך חדשים פון נעיווי אפעראציעס.
א קאנפליקט פון ווערסיעס
די קאנטראווערסיע ברענגט ארויס א טיפערע צעטיילונג איבער וויפיל פראגרעס אמעריקע האט באמת געמאכט צוריקצושטעלן די פרייע דורכגאנג אין איינע פון די וועלט'ס וויכטיגסטע אויל רוטס. פרעזידענט טראמפ האט שוין דעקלארירט א פולשטענדיגע זיג, זאגנדיג פאר רעפארטערס אז די אדורכגאס איז יעצט "פולקאם אפן" און אז איראן איז געבליבן אן קיין שום קראפט אינעם קאנפליקט.
אבער איראנער אפישעלס האבן דאס קאטעגאריש אפגעווארפן. א ווארטזאגער פאר די איראנער רעוואלוציאנערע גווארדיע (IRGC) האט אנגעוויזן אז די אדורכגאס בלייבט פארמאכט צוליב די מינעס און אנגייענדע מיליטערישע אקטיוויטעטן, און האט אוועקגעמאכט די אמעריקאנער קלעימס אלס פשוט'ע פראפאגאנדע געצילט צו בארואיגן די אנגעצויגענע ענערגיע מארקעטס. דער קאנפליקט, וואס האט זיך אנגעהויבן ענדע פעברואר, האלט יעצט ביים זעקס-מאנאטן צייכן, ווען ארום א פינפטל פון די וועלט'ס אויל סופליי פארט אדורך די וואסערן וואס זענען נאך אלץ אונטער א שווערע געראנגל.
פון מיליטערישע אפעראציעס צו סאנקציעס
אנשטאט צו גיין ווייטער מיט דירעקטע מיליטערישע עסקאלאציעס, זעט אויס אז אמעריקע רוקט זיך יעצט צו לייגן שווערערע עקאנאמישע דרוק אויף טעהראן. דאס קען מען זען מיט די נייע סאנקציעס קאמפיין, אונטערן נאמען "אפעראציע עקאנאמישע אוטקעסט", וואס צילט איראן'ס פינאנציעלע און שיפינג נעצן.
אבער לויט פאנעטא, אפילו אויב די ים-מינעס זענען אפגעראמט און א נעיווי בלאקאדע איז אין פלאץ, איז די הויפט סטראטעגישע פראבלעם נאכאלץ נישט געלעזט געווארן: איראן'ס געאגראפישע מעגליכקייט צו סטראשען אדער שטערן די שיפן וואס פארן אדורך הארמוז ווען אימער זיי ווילן נאר. דאס מאכט אסאך שווערער פאר די טראמפ אדמיניסטראציע צו טוישן דעם פאקוס פון מיליטערישע אפעראציעס צו סאנקציעס, וויבאלד עס איז שווער צו אנהאלטן אן עקאנאמישע דרוק ווען איראן קען נאך אלץ ערנסט סטראשען די גלאבאלע אויל פלוס.
פאנעטא'ס ווארענונג לייגט ארויף א שאטן אויף וואס די אדמיניסטראציע האט אראפגעלייגט אלס א רייע פון לעצטיגע סוקסעסן, אריינגערעכנט די מינע-אפרייניגונג אפעראציע און א טיילווייזע צוריקקער פון פערסישע גאלף אויל עקספארטן. צו די אדורכגאס איז טאקע "אפן" ווי טראמפ זאגט, אדער נאך אלץ אונטער איראנער קאנטראל ווי פאנעטא און טעהראן טענה'ן, וועט זיך עווענטועל ארויסשטעלן נישט דורך פובליק סטעיטמענטס, נאר דורך וויאזוי קאמערציאלע שיפן וועלן זיך פירן אין די קומענדיגע וואכן. דערווייל בלייבט די ריס צווישן א דעקלארירטע זיג און די רעאליטעט אויפן פעלד א הויפט אומגעלעזטע פראגע אין א מלחמה וואס צייגט נישט קיין קלארע צייכנס פון קומען צו אן ענדע.
