ספעקטאקולערע 'נאסא' ווידעאו פון די וועלט'ס אקעאנען גייט וויירעל אויפן אינטערנעט


איינע פון די מערסט דעטאלירטע בילדער און ווידעאוס וואס זענען נאר אמאל באשאפן געווארן פון די אקעאנען אויף די וועלט, ציט יעצט די אויפמערקזאמקייט פון מאסן מענטשן אויפן אינטערנעט, צייגנדיג א פלאנעט וואס רוט נישט פאר קיין איין סעקונדע.


די מאדעל, וואס איז באקאנט אלס "פערפעטשועל אושען 2" (Perpetual Ocean 2) און איז ארויסגעגעבן געווארן דורך די אמעריקאנער ספעיס אגענטור 'נאסא', נעמט צוזאם דאטא פון די יארן 2021 ביז 2023. עס נוצט אינפארמאציע פון סעטעלייטס, אקעאן בויס (buoys), און פיזיק געזעצן צו נאכפאלגן די וואסער שטראמען איבער די גאנצע וועלט. אין די ווידעאו קען מען זען ווייסע שטרייפן וואס צייגן די שטארקע אויבערפלעכליכע וואסער שטראמען, בעת די טונקל בלויע שטרייפן צייגן די מעכטיגע שטראמען וואס לויפן טיף אונטערן וואסער.


דער רעזולטאט איז א לעבעדיגע, דרייענדיגע מאפע פונעם ים וואס זעט אויס מער ווי א קאסמישע לייט-שאו ווי א סייענטיפישע מאדעל. כאטש די אנימאציע איז שוין ארויסגעקומען אין יאר 2025, מאכט עס כסדר א קאמבעק אויף סאשעל מידיא און ציט אריין פרישע כוואליעס פון צושויער וואס קענען נישט אראפנעמען די אויגן דערפון.


די ווידעאו לייגט א ספעציעלע פאקוס אויף די גרויסע וואסער שטראמען, אריינגערעכנט די באקאנטע 'גאלף סטריעם', די קוראשיא, און די אגולהאס, וואס דינען ווי ריזיגע קאנוועיער בעלטס וואס פירן ארום היץ און נוטריענטן איבערן פלאנעט. די דאזיגע שטראמען שפילן א הויפט ראלע אין די וועטער פאטערנס און שטיצן די ים-לעבן איבער די גאנצע וועלט. א שטייגער ווי די 'גאלף סטריעם' אליין פירט אריבער מער וואסער ווי אלע טייכן אויף די וועלט אינאיינעם!


צווישן די גרויסע שטראמען קען מען זען אומצאליגע קלענערע דרייענדיגע כוואליעס, וואס צושויער אויפן אינטערנעט האבן עס צוגעגליכן צו א הערליכע 'וואן גאג' (Van Gogh) מאלעריי. די געמיש פון נאטורליכע שיינקייט און מעכטיגע קראפט איז פונקטליך פארוואס מענטשן זענען אזוי פארגאפט דערפון. עס ברענגט אויך ארויף אן אינטערעסאנטע פראגע: אויב דער אקעאן איז אזוי אומרואיג און האט אזא גרויסע איינפלוס, וויפיל פארשטייען מיר באמת די כוחות וואס פירן אונזער קלימאט?