טויזנטער ביי די צענטראלע שמחת בית השואבה אין קראון הייטס טראץ די רעגן


טויזנטער אידן האבן זיך זונטאג ביינאכט פארזאמלט אויף קינגסטאן עוועניו אין קראון הייטס פאר די יערליכע גרויסע שמחת בית השואבה, וואו די ריזיגע מאסן האבן ווייטער אנגעהאלטן די ריקודין און געטאנצן לעבעדיג טראץ די רעגן וואס איז געפאלן אין די געגנט.


די געהויבענע שמחה האט זיך פארצויגן ביז שפעט אריין אין די נאכט שטונדן, ווען די גאסן זענען געווען איבערגעפילט מיט ריזיגע המונים וואס זענען געקומען מיטצוהאלטן די לעבעדיגע מוזיק און טענץ לכבוד חול המועד סוכות. בילדער און באריכטן פונעם ארט צייגן ווי די ערשטע נאכט פון די יום טוב'דיגע פייערונגען איז אנגעגאנגען מיט אן אויסטערלישן ברען אפילו אינמיטן די רעגן.


די ערשטע נאכט איז באשיינט געווארן מיט לעבעדיגע מוזיק און אויפטריטן דורך די באקאנטע זינגערס אלי מארקוס, דזשאואי ניוקאמב, בערל צוקער, די מענדי קראוס בענד, און יוסי כהן. די צענטראלע קראון הייטס שמחת בית השואבה וועט בעז"ה פארזעצן יעדן אוונט דורכאויס די טעג פון חול המועד.