נאך צוויי חדשים שטילקייט: דער 'קילאוועא' וואולקאן אין האוואי רייסט ווידער אויף מיט מעכטיגע לאווא
בס"ד
האוואי: קילאועא וואלקעינאו שפייעט פייער און לאווא איבער 700 פיס הויך אין א ספעקטאקולערן אויסברוך
דער באקאנטער 'קילאועא' וואלקעינאו אין האוואי האט דעם פארגאנגענעם שבת, אקטאבער 17 2026, צוגעשטעלט איינע פון די מערסט ספעקטאקולערע און אויפטרייסלנדע סצענעס אין די לעצטע מאנאטן, ווען עס האט ארויסגעשאסן א מאסיווע פלאם פון קאכעדיגע לאווא צו א הייך פון ארום 720 פיס אין די פרימארגן שטונדן.
דער אויסברוך, וואס איז דער 55'סטער עפיזאד זינט די יעצטיגע סעריע פון אויסברוכן האט זיך אנגעהויבן, האט פאסירט ארום 3:19 פארטאגס (לאקאלע צייט) אינעם 'האלעמאומאו' קראטער. ביז 5:00 פארטאגס האט עס שוין געשפיגן פייער מיט א פולן קראפט. די פלאמען האבן זיך פארמירט אין אן אינטערעסאנטע פארעם וואס האט אויסגעזען ווי ריזיגע פייערדיגע פליגלען, א בילד וואס איז ברייט צושפרייט געווארן אויף די סאשעל מידיא נעצן.
אינאיינעם מיט די לאווא, האט זיך געהויבן א ריזיגע וואלקן פון אש און גאזן וואס האט דערגרייכט צו א הייך פון ארום 25,000 פיס איבערן ים-פלאך. לויט די האוואי וואלקעינאו אבזערוואטאריע, איז די יעצטיגע פלאם געווען פיל העכער ווי די 500-פיסיגע פלאמען פון די לעצטע פיר עפיזאדן. דער ספעקטאקל האט זיך פלוצלינג אפגעשטעלט ארום 9:03 אינדערפרי, נאכן אנהאלטן קנאפע זעקס שעה.
דער פרישער אויסברוך קומט נאך די לענגסטע און מערסט קאמפליצירטע פויזע זינט די אקטיוויטעטן האבן זיך אנגעהויבן דעם 23'סטן דעצעמבער 2024. עס איז אריבער כמעט צוויי מאנאטן זינט דעם פריערדיגן 54'סטן עפיזאד אום אוגוסט 25, אין צוגאב צו עטליכע ערדציטערנישן און אנדערע אונטערערדישע מאגמא אקטיוויטעטן וואס זענען פארגעקומען ענדע סעפטעמבער און אנהייב אקטאבער.
סייענטיסטן גיבן איבער אז אלע לאווא איז געבליבן אינעם קראטער אינעם 'האוואי וואלקעינאו נעשאנאל פארק'. דעריבער שטייט יעצט די אלארם שטאפל אויף 'עדווייזערי' (Advisory) און די עוויעישאן קאליר קאוד איז 'געל'.
די ווינטן האבן געטריבן די וואולקאנישע גאזן, אש, און די דינע גלאזיגע שטריקלעך (באקאנט ביי עקספערטן אלס Pele's hair) אין די זאוט-זאוטוועסט ריכטונג. די שווערסטע אפפאל ווערט ערווארטעט צו פאלן אין א ראדיוס פון ארום דריי מייל פונעם קראטער, כאטש די גרינגערע מאטעריאלן קענען פליען פיל ווייטער. דאס מאכט אז די הויפט זארג פאר די ארומיגע איינוואוינער זאל זיין די לופט קוואליטעט, און נישט די לאווא זעלבסט.
די גרויסע פראגע יעצט איז ווען דער קומענדיגער עפיזאד וועט פאסירן. צוליב די אומקלארע באוועגונגען אונטער דער ערד, קענען די פאראויסזאגער דערווייל נישט געבן קיין קלארע שאצונגען.
האוואי: קילאועא וואלקעינאו שפייעט פייער און לאווא איבער 700 פיס הויך אין א ספעקטאקולערן אויסברוך
דער באקאנטער 'קילאועא' וואלקעינאו אין האוואי האט דעם פארגאנגענעם שבת, אקטאבער 17 2026, צוגעשטעלט איינע פון די מערסט ספעקטאקולערע און אויפטרייסלנדע סצענעס אין די לעצטע מאנאטן, ווען עס האט ארויסגעשאסן א מאסיווע פלאם פון קאכעדיגע לאווא צו א הייך פון ארום 720 פיס אין די פרימארגן שטונדן.
דער אויסברוך, וואס איז דער 55'סטער עפיזאד זינט די יעצטיגע סעריע פון אויסברוכן האט זיך אנגעהויבן, האט פאסירט ארום 3:19 פארטאגס (לאקאלע צייט) אינעם 'האלעמאומאו' קראטער. ביז 5:00 פארטאגס האט עס שוין געשפיגן פייער מיט א פולן קראפט. די פלאמען האבן זיך פארמירט אין אן אינטערעסאנטע פארעם וואס האט אויסגעזען ווי ריזיגע פייערדיגע פליגלען, א בילד וואס איז ברייט צושפרייט געווארן אויף די סאשעל מידיא נעצן.
אינאיינעם מיט די לאווא, האט זיך געהויבן א ריזיגע וואלקן פון אש און גאזן וואס האט דערגרייכט צו א הייך פון ארום 25,000 פיס איבערן ים-פלאך. לויט די האוואי וואלקעינאו אבזערוואטאריע, איז די יעצטיגע פלאם געווען פיל העכער ווי די 500-פיסיגע פלאמען פון די לעצטע פיר עפיזאדן. דער ספעקטאקל האט זיך פלוצלינג אפגעשטעלט ארום 9:03 אינדערפרי, נאכן אנהאלטן קנאפע זעקס שעה.
דער פרישער אויסברוך קומט נאך די לענגסטע און מערסט קאמפליצירטע פויזע זינט די אקטיוויטעטן האבן זיך אנגעהויבן דעם 23'סטן דעצעמבער 2024. עס איז אריבער כמעט צוויי מאנאטן זינט דעם פריערדיגן 54'סטן עפיזאד אום אוגוסט 25, אין צוגאב צו עטליכע ערדציטערנישן און אנדערע אונטערערדישע מאגמא אקטיוויטעטן וואס זענען פארגעקומען ענדע סעפטעמבער און אנהייב אקטאבער.
סייענטיסטן גיבן איבער אז אלע לאווא איז געבליבן אינעם קראטער אינעם 'האוואי וואלקעינאו נעשאנאל פארק'. דעריבער שטייט יעצט די אלארם שטאפל אויף 'עדווייזערי' (Advisory) און די עוויעישאן קאליר קאוד איז 'געל'.
די ווינטן האבן געטריבן די וואולקאנישע גאזן, אש, און די דינע גלאזיגע שטריקלעך (באקאנט ביי עקספערטן אלס Pele's hair) אין די זאוט-זאוטוועסט ריכטונג. די שווערסטע אפפאל ווערט ערווארטעט צו פאלן אין א ראדיוס פון ארום דריי מייל פונעם קראטער, כאטש די גרינגערע מאטעריאלן קענען פליען פיל ווייטער. דאס מאכט אז די הויפט זארג פאר די ארומיגע איינוואוינער זאל זיין די לופט קוואליטעט, און נישט די לאווא זעלבסט.
די גרויסע פראגע יעצט איז ווען דער קומענדיגער עפיזאד וועט פאסירן. צוליב די אומקלארע באוועגונגען אונטער דער ערד, קענען די פאראויסזאגער דערווייל נישט געבן קיין קלארע שאצונגען.
