פייערווערק געשאסן אויף א לאנדאנער שול אום ראש השנה; פאליציי פארשטערקערט פאטראלן
גאלערי
בס"ד
לאנדאן: פאליציי פארשט אן אינצידענט וואו יוגנטליכע האבן געשאסן פייערוואקס אויף א לאקאלע שול אינעם צווייטן טאג ראש השנה
די פאליציי אין לאנדאן האבן געעפנט אן אויספארשונג נאכדעם וואס א גרופע יוגנטליכע האבן געשאסן צוויי פייערוואקס אויף די 'לאדערדעיל ראוד' שול אין די מאידא וועיל געגנט, זונטאג נאכמיטאג, אינעם צווייטן טאג ראש השנה.
די לאקאלע פאליציי דעפארטמענט זאגט אז אפיצירן זענען גערופן געווארן ארום 3:56 נאכמיטאג (סעפטעמבער 13) נאך באריכטן איבער סוספעקטן וואס שיסן פייערוואקס אויף א שול אין וועסטמינסטער. די חוליגאנעס זענען שוין אנטלאפן בעפאר די פאליציי איז אנגעקומען אויפן סצענע, און דערווייל זענען נאכנישט פארגעקומען קיין ארעסטן. די פאליציי זאגט אז זיי קוקן איבער די סעקיוריטי קאמערעס (CCTV) צו אידענטיפיצירן די פארברעכער.
אויף די סעקיוריטי קאמערעס קען מען זען ווי פינף יוגנטליכע דרייען זיך אינדרויסן פון די שול בעפאר צוויי פייערוואקס זענען געשאסן געווארן אין די ריכטונג פונעם געביידע. בחסדי השם איז די שול געווען ליידיג אין יענע צייט, און עס זענען נישט באריכטעט געווארן קיין פארוואונדעטע אדער סיי וואספארא שאדן צום בנין.
די היסטארישע שול געהערט צו די שפאנישע און פארטוגעזישע ספרד'ישע קהילה אין לאנדאן. דער אינצידענט איז אויך איבערגעגעבן געווארן פאר די לאקאלע סעקיוריטי ארגאניזאציע 'CST', וועלכע ארבעט אינאיינעם מיט די פאליציי אויסצופארשן די אומשטענדן פונעם פאל.
אין ליכט פונעם אינצידענט האט די פאליציי פארמערט זייערע פאטראלן אין די געגנט, זאגנדיג אז די פארשטערקטע פאליצייאישע אנוועזנהייט איז געצילט צו בארואיגן און באשיצן די אידישע קהילות דורכאויס די יום טוב טעג. די אויטאריטעטן בעטן פונעם פובליק אז ווער עס האט סיי וואספארא אינפארמאציע זאל זיך פארבינדן מיט די פאליציי ווי אמשנעלסטן.
לאנדאן: פאליציי פארשט אן אינצידענט וואו יוגנטליכע האבן געשאסן פייערוואקס אויף א לאקאלע שול אינעם צווייטן טאג ראש השנה
די פאליציי אין לאנדאן האבן געעפנט אן אויספארשונג נאכדעם וואס א גרופע יוגנטליכע האבן געשאסן צוויי פייערוואקס אויף די 'לאדערדעיל ראוד' שול אין די מאידא וועיל געגנט, זונטאג נאכמיטאג, אינעם צווייטן טאג ראש השנה.
די לאקאלע פאליציי דעפארטמענט זאגט אז אפיצירן זענען גערופן געווארן ארום 3:56 נאכמיטאג (סעפטעמבער 13) נאך באריכטן איבער סוספעקטן וואס שיסן פייערוואקס אויף א שול אין וועסטמינסטער. די חוליגאנעס זענען שוין אנטלאפן בעפאר די פאליציי איז אנגעקומען אויפן סצענע, און דערווייל זענען נאכנישט פארגעקומען קיין ארעסטן. די פאליציי זאגט אז זיי קוקן איבער די סעקיוריטי קאמערעס (CCTV) צו אידענטיפיצירן די פארברעכער.
אויף די סעקיוריטי קאמערעס קען מען זען ווי פינף יוגנטליכע דרייען זיך אינדרויסן פון די שול בעפאר צוויי פייערוואקס זענען געשאסן געווארן אין די ריכטונג פונעם געביידע. בחסדי השם איז די שול געווען ליידיג אין יענע צייט, און עס זענען נישט באריכטעט געווארן קיין פארוואונדעטע אדער סיי וואספארא שאדן צום בנין.
די היסטארישע שול געהערט צו די שפאנישע און פארטוגעזישע ספרד'ישע קהילה אין לאנדאן. דער אינצידענט איז אויך איבערגעגעבן געווארן פאר די לאקאלע סעקיוריטי ארגאניזאציע 'CST', וועלכע ארבעט אינאיינעם מיט די פאליציי אויסצופארשן די אומשטענדן פונעם פאל.
אין ליכט פונעם אינצידענט האט די פאליציי פארמערט זייערע פאטראלן אין די געגנט, זאגנדיג אז די פארשטערקטע פאליצייאישע אנוועזנהייט איז געצילט צו בארואיגן און באשיצן די אידישע קהילות דורכאויס די יום טוב טעג. די אויטאריטעטן בעטן פונעם פובליק אז ווער עס האט סיי וואספארא אינפארמאציע זאל זיך פארבינדן מיט די פאליציי ווי אמשנעלסטן.