CEO פון 'מעדיקא' שפיטאל אין תל אביב רעזיגנירט נאכדעם וואס די געזונטהייט מיניסטעריום האט פארמאכט דעם שפיטאל צוליב שווערע דורכפאלן אין פאציענטן זיכערהייט
גאלערי
בס"ד
הויפט פון גרויסע פריוואטע שפיטאל נעצווערק אין ארץ ישראל טרעט אפ נאך ערנסטע געזונטהייט פארלעצונגען
די הויפט פון א גרויסע פריוואטע שפיטאל נעצווערק אין ארץ ישראל האט רעזיגנירט פון איר פאזיציע, נאכדעם וואס א רעגירונג אינספעקציע האט אויפגעדעקט ערנסטע פראבלעמען ארום כירורגישע פראצעדורן, אנאסטעזיע און דאס באהאנדלען מעדיקאמענטן.
ענת נוסבוים, די סי-אי-או (CEO) פון די 'מעדיקא' שפיטאל נעצווערק, האט געמאלדן איר רעזיגנאציע נאכדעם וואס די געזונטהייט מיניסטעריום האט באשלאסן אפצושטעלן אלע מעדיצינישע אקטיוויטעטן אין זייער תל אביב פאסיליטי צוליב ערנסטע זארגן איבער פאציענטן זיכערהייט. די רעזיגנאציע קומט עטליכע וואכן נאכדעם וואס די מיניסטעריום האט פארארדנט אפצושטעלן די אפעראציעס אינעם מעדיקא שפיטאל אין רמת החייל, נאך א פלוצלינגדיגע אינספעקציע וואס איז דארט דורכגעפירט געווארן.
לויט די געזונטהייט מיניסטעריום, האבן די אינספעקטארס אויפגעדעקט א רייע שווערע דורכפעלער וואס נעמט אריין מעדיצינישע פראצעדורן, פראפעסיאנאלע קוואליפיקאציעס, און דאס באהאנדלען קאנטראלירטע מעדיקאמענטן. צווישן די שוידערליכע געפינעס זענען געווען באשולדיגונגען אז נוירסעס האבן דורכגעפירט כירורגישע פראצעדורן (אפעראציעס) וואס זענען אינגאנצן ארויס פון זייערע ערלויבטע פליכטן, און אז דאקטוירים וואס האבן געגעבן אנאסטעזיע זענען געווען אנגעשטעלט אן די נויטיגע ספעציאליסט סערטיפיקאציע. די אינספעקטארס האבן אויך געפונען ערנסטע פארלעצונגען ארום דעם באנוץ פון נארקאטישע מעדיקאמענטן.
די מיניסטעריום האט אראפגעלייגט די געפינעס אלס א באווייז פון א סיסטעמאטישע דורכפאל וואס האט אריינגעלייגט פאציענטן אין א דירעקטע סכנה, וואס דאס האט געפירט צו זייער באשלוס אום סעפטעמבער 28 אפצושטעלן די מעדיצינישע אקטיוויטעטן אינעם פאסיליטי. דער שפיטאל, וואס געפינט זיך אויף הברזל סטריט אין תל אביב, האט באקומען א שטרענגע פארארדענונג אפצושטעלן אלע מעדיצינישע אפעראציעס ביז ווילאנג די געזונטהייט אויטאריטעטן וועלן נעמען ווייטערדיגע שריט.
די קלאוזשור האט אויפגעברענגט גרויסע זארגן איבער די סטאנדארטן און איבערזיכט אין פריוואטע שפיטעלער, בפרט פאר פאציענטן וואס פארלאזן זיך אויף די פריוואטע פאסיליטיס פאר ספעציעלע טריטמענטס און אפעראציעס.
נאך דעם גרויסן סקאנדאל, האט נוסבוים געמאלדן אז זי טרעט אפ פון איר פאזיציע. אלס איר איבערנעמער איז אויפגענומען געווארן ד"ר איתן חי-עם, א געוועזענער דירעקטאר-דזשענעראל פונעם געזונטהייט מיניסטעריום וואס האט פריער אנגעפירט מיט די סורוקה און אסותא שפיטעלער.
די טויש אין פירערשאפט קומט אין א צייט וואס 'מעדיקא' פרובירט צו פארראכטן די פראבלעמען און ארבעט צוריקצובאקומען די ערלויבעניש צו עפענען די טויערן. הגם די שפיטאל נעצווערק טענה'ט אז די באשלוס צו פארמאכן דעם שפיטאל איז געווען צו א שטרענגע שריט, האלט די מיניסטעריום זיך ביי דאס איריגע אז עס איז געווען קריטיש וויכטיג צו באשיצן די פאציענטן. דערווייל בלייבט דער תל אביב פאסיליטי פארמאכט ביז עס וועט באקומען די נויטיגע אויטאריזאציע.
די אנטוויקלונגען האבן געצויגן שטארקע אויפמערקזאמקייט צו די פאראנטווארטליכקייט פון שפיטאל פארוואלטונגען צו פארזיכערן אז מעדיצינישע פראצעדורן ווערן דורכגעפירט בלויז דורך קוואליפיצירטע פראפעסיאנאלן און אז מעדיקאמענטן ווערן געגעבן גענוי לויט'ן געזעץ. פאר פאציענטן און פאמיליעס איבער גאנץ ארץ ישראל, ברענגט די קעיס ארויס די וויכטיגקייט פון קלארע זיכערהייט סטאנדארטן און א שטארקע איבערזיכט אויף סיי פובליק און סיי פריוואטע מעדיצינישע צענטערן.
הויפט פון גרויסע פריוואטע שפיטאל נעצווערק אין ארץ ישראל טרעט אפ נאך ערנסטע געזונטהייט פארלעצונגען
די הויפט פון א גרויסע פריוואטע שפיטאל נעצווערק אין ארץ ישראל האט רעזיגנירט פון איר פאזיציע, נאכדעם וואס א רעגירונג אינספעקציע האט אויפגעדעקט ערנסטע פראבלעמען ארום כירורגישע פראצעדורן, אנאסטעזיע און דאס באהאנדלען מעדיקאמענטן.
ענת נוסבוים, די סי-אי-או (CEO) פון די 'מעדיקא' שפיטאל נעצווערק, האט געמאלדן איר רעזיגנאציע נאכדעם וואס די געזונטהייט מיניסטעריום האט באשלאסן אפצושטעלן אלע מעדיצינישע אקטיוויטעטן אין זייער תל אביב פאסיליטי צוליב ערנסטע זארגן איבער פאציענטן זיכערהייט. די רעזיגנאציע קומט עטליכע וואכן נאכדעם וואס די מיניסטעריום האט פארארדנט אפצושטעלן די אפעראציעס אינעם מעדיקא שפיטאל אין רמת החייל, נאך א פלוצלינגדיגע אינספעקציע וואס איז דארט דורכגעפירט געווארן.
לויט די געזונטהייט מיניסטעריום, האבן די אינספעקטארס אויפגעדעקט א רייע שווערע דורכפעלער וואס נעמט אריין מעדיצינישע פראצעדורן, פראפעסיאנאלע קוואליפיקאציעס, און דאס באהאנדלען קאנטראלירטע מעדיקאמענטן. צווישן די שוידערליכע געפינעס זענען געווען באשולדיגונגען אז נוירסעס האבן דורכגעפירט כירורגישע פראצעדורן (אפעראציעס) וואס זענען אינגאנצן ארויס פון זייערע ערלויבטע פליכטן, און אז דאקטוירים וואס האבן געגעבן אנאסטעזיע זענען געווען אנגעשטעלט אן די נויטיגע ספעציאליסט סערטיפיקאציע. די אינספעקטארס האבן אויך געפונען ערנסטע פארלעצונגען ארום דעם באנוץ פון נארקאטישע מעדיקאמענטן.
די מיניסטעריום האט אראפגעלייגט די געפינעס אלס א באווייז פון א סיסטעמאטישע דורכפאל וואס האט אריינגעלייגט פאציענטן אין א דירעקטע סכנה, וואס דאס האט געפירט צו זייער באשלוס אום סעפטעמבער 28 אפצושטעלן די מעדיצינישע אקטיוויטעטן אינעם פאסיליטי. דער שפיטאל, וואס געפינט זיך אויף הברזל סטריט אין תל אביב, האט באקומען א שטרענגע פארארדענונג אפצושטעלן אלע מעדיצינישע אפעראציעס ביז ווילאנג די געזונטהייט אויטאריטעטן וועלן נעמען ווייטערדיגע שריט.
די קלאוזשור האט אויפגעברענגט גרויסע זארגן איבער די סטאנדארטן און איבערזיכט אין פריוואטע שפיטעלער, בפרט פאר פאציענטן וואס פארלאזן זיך אויף די פריוואטע פאסיליטיס פאר ספעציעלע טריטמענטס און אפעראציעס.
נאך דעם גרויסן סקאנדאל, האט נוסבוים געמאלדן אז זי טרעט אפ פון איר פאזיציע. אלס איר איבערנעמער איז אויפגענומען געווארן ד"ר איתן חי-עם, א געוועזענער דירעקטאר-דזשענעראל פונעם געזונטהייט מיניסטעריום וואס האט פריער אנגעפירט מיט די סורוקה און אסותא שפיטעלער.
די טויש אין פירערשאפט קומט אין א צייט וואס 'מעדיקא' פרובירט צו פארראכטן די פראבלעמען און ארבעט צוריקצובאקומען די ערלויבעניש צו עפענען די טויערן. הגם די שפיטאל נעצווערק טענה'ט אז די באשלוס צו פארמאכן דעם שפיטאל איז געווען צו א שטרענגע שריט, האלט די מיניסטעריום זיך ביי דאס איריגע אז עס איז געווען קריטיש וויכטיג צו באשיצן די פאציענטן. דערווייל בלייבט דער תל אביב פאסיליטי פארמאכט ביז עס וועט באקומען די נויטיגע אויטאריזאציע.
די אנטוויקלונגען האבן געצויגן שטארקע אויפמערקזאמקייט צו די פאראנטווארטליכקייט פון שפיטאל פארוואלטונגען צו פארזיכערן אז מעדיצינישע פראצעדורן ווערן דורכגעפירט בלויז דורך קוואליפיצירטע פראפעסיאנאלן און אז מעדיקאמענטן ווערן געגעבן גענוי לויט'ן געזעץ. פאר פאציענטן און פאמיליעס איבער גאנץ ארץ ישראל, ברענגט די קעיס ארויס די וויכטיגקייט פון קלארע זיכערהייט סטאנדארטן און א שטארקע איבערזיכט אויף סיי פובליק און סיי פריוואטע מעדיצינישע צענטערן.