ניסים ביי די פראנט ליניעס: אוקראינישער זעלנער ראטעוועט זיך אין די לעצטע סעקונדע פון א רוסישע קאמיקאזע דראון וואס האט אויפגעריסן א מעטער אוועק

אן אוקראינישער זעלנער האט מיט גרויסע ניסים זיך קוים ארויסגעדרייט פון א זיכערן טויט, נאכדעם וואס א רוסישע "מאלניע-2" (Molniya-2) דראון וואס ער האט אינטערסעפטעד, האט אויפגעקראכט און עקספלאדירט קוים איין מעטער אוועק פון אים.

אין א דראמאטישע ווידעא קליפ קען מען זען ווי דער זעלנער נוצט א ספעציעלע אנטי-דראון סיסטעם אראפצוברענגען די קאמיקאזע דראון. די דראון איז טאקע אראפגעפאלן און אויפגעריסן גלייך נעבן זיין פאזיציע, אבער האט אים נישט געטראפן דירעקט.

די "מאלניע-2" דראונס זענען אויסגעשטאט מיט צוויי מאטארן, און קענען פליען א שטרעקע פון ביז 60 קילאמעטער. זיי קענען טראגן אויף זיך א וואג פון ביז 11 קילאגראם פון שווערע אויפרייס מאטעריאלן אדער אנטי-טאנק מינעס. די רוסישע קרעפטן נוצן זיי זייער אפט קעגן אוקראינישע פאזיציעס און לאדזשיסטיק רוטס.

דער שרעקעדיגער אינצידענט ברענגט ארויס די כסדר'דיגע סכנות מיט וואס די זעלנער אויפן פראנט ספראווען זיך טאג טעגליך. די אוקראינישע קרעפטן פארלאזן זיך שטארק אויף אינטערסעפטארס און עלעקטראנישע ווארפער (Electronic warfare) זיך צו קעגנשטעלן די גרויסע מאסן פון מאלניע דראונס וואס רוסלאנד שיקט כסדר.

אין דעם פאל האט די סיסטעם טאקע געארבעט און אפגעשטעלט א דירעקטע היט, אבער עס האט נאך אלץ איבערגעלאזט דעם זעלנער אינעם עקספלאוזשען ראדיוס. אזעלכע פעלער צייגן ווי שנעל די סכנה פון די לופטן קען פאסירן, אפילו ווען די דעפענס סיסטעמס ארבעטן ווי עס דארף צו זיין, און עס צייגט די שווערע קאמף צווישן די פשוט'ע אבער עפעקטיווע קאמיקאזע דראונס און די סיסטעמען וואס זענען געמאכט זיי אפצושטעלן.